Almatyda samokat pen moped júrgizýshilerine baqylaý kúsheitildi. Demalys kúnderi qala kóshelerinde ótken reid barysynda 300-ge jýyq samokat arnaiy turaqqa qoiyldy, dep habarlaidy ult.kz.
Politsiia qyzmetkerleri jol qozǵalysy erejesin buzǵan júrgizýshilerdi anyqtap, qaýipti jaǵdailardyń aldyn alýǵa basymdyq bergen.
Máselen, Jetisý aýdanynda reid kezinde jol qozǵalysy erejesin buzýdyń 152 deregi tirkeldi. Onyń ishinde kólik quraldaryn paidalaný jáne jolaýshylardy tasymaldaý talaptaryn buzý faktileri de bar.
Politsiianyń málimetinshe, mundai baqylaý sharalarynyń negizgi maqsaty – jol-kólik oqiǵalaryna ákelýi múmkin zań buzýshylyqtardyń aldyn alý jáne joldaǵy qaýipsizdikti qamtamasyz etý.
Reidter aldaǵy ýaqytta da turaqty túrde jalǵasady. Politsiia ásirese kólik qozǵalysy qarqyndy jáne jol-kólik oqiǵalary jii tirkeletin ýchaskelerge erekshe nazar aýdarmaq.
