Almatyda jedel izdestirý sharalary barysynda 30-dan asa zeinetkerdi tonaǵan 38 jastaǵy er adam ustaldy. Bul týraly Almaty qalalyq PD bastyǵynyń orynbasary Rýstam Ábdirahmanov Instagram paraqshasynda málimdedi, - dep habarlaidy Tengrinews.kz tilshisi.
1984 jyly týǵan er adam qalanyń Áýezov, Bostandyq jáne Medeý aýdandarynyń aýmaǵynda qylmys jasaǵan.
Qylmysker tek zeinet jasyndaǵy adamdardy tonaǵan - qoǵamdyq oryndarda, atap aitqanda, bazarlarda, turǵyn úilerdiń aýlalarynda. Aýyr sómkeler men úlken paketter kóterip kele jatqan egde jastaǵy adamdardy baqylap, ádepti adam siiaqty áser qaldyrǵan ol ájelermen áńgimege kirisip, sómkelerdi páterge jetkizýge kómektesýdi usynady.
Qart adamdar kelisedi, keiin aqsha, ámiian nemese uialy telefony urlanǵanyn anyqtaidy. "Kómek" kórsetý kezinde qylmysker ol jerden barlyq qundy zatty baiqatpai urlap otyrǵan.
Belgili bolǵandai, ustalǵan er adam buryn da qylmys jasaǵany úshin sotty bolǵan. Kúdikti ýaqytsha ustaý izoliatoryna qamaldy.
