Almatyda aýa raiyna bailanysty 29 qańtar, dúisenbi kúni 1-9 synyp oqýshylary úshin sabaq toqtatylady, dep habarlaidy "Ult aqparat" qalalyq ákimdikke silteme jasap.
«2018 jyldyń 29 qańtarynda aýa temperatýrasy - 25 gradýstan tómen bolýyna bailanysty Almaty qalasy mektepteriniń 1-9 synyp oqýshylary úshin sabaq toqtatylady», - delingen Almaty qalasy bilim basqarmasynyń málimdemesinde.
Eske sala keteiik, buǵan deiin sinoptikter daýyldy eskertý jariialap, Almaty, Jambyl, Qyzylorda jáne Ońtústik Qazaqstan oblystarynda aiaz bolatynyn eskertken edi.
"24-29 qańtarda Almaty, Jambyl, 26-29 qańtarda Ońtústik Qazaqstan, Qyzylorda oblystarynda aýa temperatýrasy tómendep, túnde 15-20, kei jerlerde 25-30 gradýsqa deiin, 20-25, kei jerlerde 30-35 gradýsqa deiin aiaz bolady. Yqtimaldylyq - 95 paiyz", - dep habarlaǵan "Qazgidromet" mamandary.
Al, Almatyda 24 qańtar kúni taý bókterindegi birqatar mektepte bastaýysh synyptar úshin sabaqtar toqtatyla bastaǵan-tyn. 25 qańtar kúni 1-9 synyp, 26 qańtar 9-11 synyp oqýshylary (bastaýysh synyptar beskúndik oqý júiesinde - red) úshin sabaq ótkizilmegen.
