الماتىدا اۋا رايىنا بايلانىستى 29 قاڭتار, دٷيسەنبٸ كٷنٸ 1-9 سىنىپ وقۋشىلارى ٷشٸن ساباق توقتاتىلادى, دەپ حابارلايدى "ۇلت اقپارات" قالالىق ەكٸمدٸككە سٸلتەمە جاساپ.
«2018 جىلدىڭ 29 قاڭتارىندا اۋا تەمپەراتۋراسى - 25 گرادۋستان تٶمەن بولۋىنا بايلانىستى الماتى قالاسى مەكتەپتەرٸنٸڭ 1-9 سىنىپ وقۋشىلارى ٷشٸن ساباق توقتاتىلادى», - دەلٸنگەن الماتى قالاسى بٸلٸم باسقارماسىنىڭ مەلٸمدەمەسٸندە.
ەسكە سالا كەتەيٸك, بۇعان دەيٸن سينوپتيكتەر داۋىلدى ەسكەرتۋ جارييالاپ, الماتى, جامبىل, قىزىلوردا جەنە وڭتٷستٸك قازاقستان وبلىستارىندا اياز بولاتىنىن ەسكەرتكەن ەدٸ.
"24-29 قاڭتاردا الماتى, جامبىل, 26-29 قاڭتاردا وڭتٷستٸك قازاقستان, قىزىلوردا وبلىستارىندا اۋا تەمپەراتۋراسى تٶمەندەپ, تٷندە 15-20, كەي جەرلەردە 25-30 گرادۋسقا دەيٸن, 20-25, كەي جەرلەردە 30-35 گرادۋسقا دەيٸن اياز بولادى. ىقتيمالدىلىق - 95 پايىز", - دەپ حابارلاعان "قازگيدرومەت" ماماندارى.
ال, الماتىدا 24 قاڭتار كٷنٸ تاۋ بٶكتەرٸندەگٸ بٸرقاتار مەكتەپتە باستاۋىش سىنىپتار ٷشٸن ساباقتار توقتاتىلا باستاعان-تىن. 25 قاڭتار كٷنٸ 1-9 سىنىپ, 26 قاڭتار 9-11 سىنىپ وقۋشىلارى (باستاۋىش سىنىپتار بەسكٷندٸك وقۋ جٷيەسٸندە - رەد) ٷشٸن ساباق ٶتكٸزٸلمەگەن.
