Foto: ashyq derekkóz
2025 jylǵy 2–3 qazanda Almatyda «Týberkýlezsiz Ortalyq Aziia: ulttyq jetistikterden óńirlik kóshbasshylyqqa» atty halyqaralyq konferentsiia jáne Shyǵys Eýropa men Ortalyq Aziiadaǵy týberkýlez boiynsha óńirlik parlament sammiti ótti, dep habarlaidy Ult.kz.
Forýmǵa aimaq elderiniń parlamentshileri, densaýlyq saqtaý ministrlikteriniń ókilderi, DDSU, Stop TB seriktestigi men ózge de halyqaralyq uiymdardyń sarapshylary qatysty. Qatysýshylar BUU-nyń týberkýlezge qarsy saiasi deklaratsiiasyn júzege asyrý barysyn, azamattyq qoǵamnyń rólin jáne innovatsiialardy talqylady.
Sammit qorytyndysy boiynsha 2026–2028 jyldarǵa arnalǵan týberkýlezben kúresti jedeldetý jónindegi óńirlik qarar qabyldandy.
Qazaqstan Densaýlyq saqtaý ministrliginiń málimetinshe, elimiz týberkýlezdiń taralýy men ólim-jitimin azaitý jónindegi BUU maqsattaryna merziminen buryn qol jetkizdi. 2024 jyly aýrýshańdyq 4%-ǵa, ólim-jitim 16,6%-ǵa tómendedi, alǵash ret balalar arasynda ólim tirkelmedi.
«Saiasi erik – týberkýlezben kúrestiń eń qýatty quraly. Biz árbir turǵynǵa der kezinde diagnostikadan ótý men emdelý múmkindigin qamtamasyz etýimiz qajet. Bul – ortaq paryzymyz», – dedi Global TB Caucus uiymy tóraǵasynyń orynbasary Gúldara Nurymova.
Sammit aiasynda erte diagnostikaǵa qol jetkizý, naýqastardy áleýmettik qoldaýdy kúsheitý, ulttyq biýdjet esebinen turaqty qarjylandyrýdy qamtamasyz etý jáne týberkýlezdi 2030 jylǵa deiin tolyq joiý jolyndaǵy sharalar talqylandy.
