Almatyda kóktemde qalaǵa kiretin barlyq joldarǵa ekopost ornatý bastalady. Onda avtokólikterdiń shyǵaryndylary tekseriledi. Bul týraly Almaty ákiminiń ákiminiń birinshi orynbasary Erlan Qojaǵapanov aitty, dep habarlaidy "Ult aqparat".
Almatydaǵy JEO-2 bazasynda Qazaqstannyń jańa ekologiialyq kodeksi talqylanýda. Is-sharaǵa QR ekologiia, geologiia jáne tabiǵi resýrstar ministri Maǵzum Myrzaǵaliev, máslihat depýtattary, qoǵamdyq keńes músheleri jáne ekobelsendiler qatysyp jatyr.
Erlan Qojaǵapanovtyń aitýynsha, 2020 jyly Almatyda qorshaǵan ortaǵa jalpy shyǵaryndylar 140 myń tonnany qurady. Qala aýasynyń negizgi lastaýshysy – avtokólik, JEO-2, JEO-3 jáne jeke sektor.
Sonymen qatar, ol 2020 jyly Almaty ákiminiń qaýlysymen dizeldi otynmen júretin avtobýstardy satyp alýǵa tyiym salynǵanyn atap ótti.
«Búginde qalada elektrmen júretin 17 jańa avtobýs bar. Biyl taǵy 39 avtobýs satyp alý josparda», - dedi Almaty ákiminiń birinshi orynbasary Erlan Qojaǵapanov.
Onyń aitýynsha, kóktemde qalada 19 ekopost ornatylady.
«Almatyda kóktemde qalaǵa kiretin barlyq joldarǵa ekopost ornatý bastalady. Onda avtokólikterdiń shyǵaryndylary tekseriledi», - dedi ol.
