Foto: Polisia.kz
Almatyda Ózbekstan Ishki ister ministrligimen 15 jyl boiy izdeýde júrgen qylmysker ustaldy, – dep habarlaidy Polisia.kz.
Almatyda kóshi-qon qyzmeti men qalalyq kriminaldyq politsiia qyzmetkerleri 41 jastaǵy R.esimdi azamatty ustady.
"Atap aitqanda, qylmysker “Izdeý – TMD” jedel aldyn alý is-sharasy barysynda anyqtaldy. Ózbekstan IIM Sýrhandariia oblysy IIB 1982 jyly týǵan R. esimdi Ózbekstan azamatyn 2008 jyly memleketaralyq izdeýge jariialaǵan. Ustalǵan azamat ýaqytsha ustaý izoliatoryna qamaldy. Ony óz eline ekstraditsiialaý máselesi sheshilip jatyr", – dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchinov.
Sondai-aq politsiia ókilderi Almaty qalasyndaǵy qylmystyq ahýaldy turaqtandyrý jáne QR-nyń kóshi-qon zańnamasyn buzýshylyqtardy anyqtaý maqsatynda 11 qyrkúiek pen 30 qyrkúiek aralyǵynda “Jaldamaly” is-sharasy júrgizilip jatqanyn eske saldy.
