Almatyda 14 myńnan astam kópbalaly ana turady, olardyń ishinde 4 myńnan astamy «Altyn alqa» jáne «Kúmis alqa» medaldarymen marapattalǵan, dep habarlaidy "Ult aqparat".
Mundai málimetter Almaty qalasy máslihatynyń saitynda az qamtylǵan otbasylarǵa qoldaý kórsetýdiń «ISKERANA» aimaqtyq baǵdarlamasyn bekitý týraly sheshiminde keltirilgen.
Almatyda 14 612 kópbalaly ana turady, olardyń 4 533-i «Altyn alqa» jáne «Kúmis alqa» iegeri.
Memlekettik qoldaý sharasy boiynsha 3 283 otbasy 159 myń teńge (tórtinshi, besinshi jáne odan da kóp bala úshin) alady. Bala kútimi boiynsha ai saiynǵy járdemaqyny (14 myńnan 22 myń teńgege deiin) - 8 495 otbasy alyp otyr. 6 569 otbasyǵa múgedek balany tárbielep otyrǵany úshin ai saiynǵy járdemaqy (31 myń teńgeden astam) beriledi. Asyraýshysynan airylǵandar boiynsha ai saiynǵy járdemaqy (bir balaǵa 25 myń teńgeden joǵary; eki adamǵa 44 myń teńgeden; úsh adamǵa 55 myń teńgeden; 58 myń teńgeden tórt adamǵa; bes 60 myń teńgeden; alty jáne odan da kóp adamǵa - shamamen 63 myń teńge) - 14 579 adamǵa beriledi.
Sonymen birge, múmkindigi shekteýli adamdar, az qamtamasyz etilgen azamattar men kópbalaly otbasylardy qosa alǵanda, áleýmettik jaǵynan osal 25 myńǵa jýyq azamat qosymsha áleýmettik qoldaýdyń 13 túrin alady.
Sondai-aq, qalada 2017 jyly – 2 112 otbasy, 2018 jyly – 2 222 otbasy, 2019 jyly - 1 607 otbasy baspanamen qamtamasyz etilgen.
2017 jyly - 72 otbasy, 2018 jyly - 569 otbasy, 2019 jyly - 7 984 otbasy ataýly áleýmettik kómekti aldy.
