Almatyda biyl 139 myń aǵash otyrǵyzý josparlanyp otyr. Bul týraly qalalyq Jasyl ekonomika basqarmasynyń bólim jetekshisi Oljas Janyspaev málimdedi, dep habarlaidy QazAqparat.
«Orman otyrǵyz» sharasy 5 qazanda bastalǵan.
«Bul aktsiia aiasynda Jasyl ekonomika basqarmasy men Ile-Alataýy Ulttyq parki birige otyryp, Mohnatka taýynda 50 myń kóshet otyrǵyzdy. Sonymen qatar, Kók tóbe taýynda 30-40 myń «Sivers» almasynyń kósheti, «Atakent» iskerlik ortalyǵy men «Atletikalyq aýyl» mańaiynda 5 myń aǵash otyrǵyzylady. Qaladaǵy 110 mekteptiń mańaiynda emen, úieńki, qaraǵash, qaiyńnyń 4 myń kósheti otyrǵyzylady. «Saialy», «Zerdeli» shaǵyn aýdandarynda 3000 aǵash otyrǵyzylady. Osylaisha jalpy alǵanda Almaty aýmaǵynda 139 myń aǵash otyrǵyzý kózdelgen», - dedi Oljas Janyspaev.
Spikerdiń aitýynsha, qaladaǵy aǵash sany 10 jyl ishinde birshama ósken.
«2010 jyly jalpy qoldanystaǵy territoriialarda 1,5 mln aǵash bar bolsa, 2018 jyly júrgizilgen inventarizatsiia boiynsha 2 mln 135 myń aǵash sanaldy», - dedi Oljas Janyspaev.
