الماتىدا بيىل 139 مىڭ اعاش وتىرعىزۋ جوسپارلانىپ وتىر. بۇل تۋرالى قالالىق جاسىل ەكونوميكا باسقارماسىنىڭ بٶلٸم جەتەكشٸسٸ ولجاس جانىسپاەۆ مەلٸمدەدٸ, دەپ حابارلايدى قازاقپارات.
«ورمان وتىرعىز» شاراسى 5 قازاندا باستالعان.
«بۇل اكتسييا اياسىندا جاسىل ەكونوميكا باسقارماسى مەن ٸلە-الاتاۋى ۇلتتىق پاركٸ بٸرٸگە وتىرىپ, موحناتكا تاۋىندا 50 مىڭ كٶشەت وتىرعىزدى. سونىمەن قاتار, كٶك تٶبە تاۋىندا 30-40 مىڭ «سيۆەرس» الماسىنىڭ كٶشەتٸ, «اتاكەنت» ٸسكەرلٸك ورتالىعى مەن «اتلەتيكالىق اۋىل» ماڭايىندا 5 مىڭ اعاش وتىرعىزىلادى. قالاداعى 110 مەكتەپتٸڭ ماڭايىندا ەمەن, ٷيەڭكٸ, قاراعاش, قايىڭنىڭ 4 مىڭ كٶشەتٸ وتىرعىزىلادى. «سايالى», «زەردەلٸ» شاعىن اۋداندارىندا 3000 اعاش وتىرعىزىلادى. وسىلايشا جالپى العاندا الماتى اۋماعىندا 139 مىڭ اعاش وتىرعىزۋ كٶزدەلگەن», - دەدٸ ولجاس جانىسپاەۆ.
سپيكەردٸڭ ايتۋىنشا, قالاداعى اعاش سانى 10 جىل ٸشٸندە بٸرشاما ٶسكەن.
«2010 جىلى جالپى قولدانىستاعى تەرريتورييالاردا 1,5 ملن اعاش بار بولسا, 2018 جىلى جٷرگٸزٸلگەن ينۆەنتاريزاتسييا بويىنشا 2 ملن 135 مىڭ اعاش سانالدى», - دەدٸ ولجاس جانىسپاەۆ.
