Foto: KazTAG
Almatyda 12 jastaǵy qyz kópqabatty úidiń on úshinshi qabatynan qulap, kóz jumdy, dep habarlaidy "Ult aqparat".
Áleýmettik jelide Almatyda 12 jastaǵy qyz kópqabatty úidiń on úshinshi qabatynan qulap ketkeni týraly aqparat tarady. Qyzdyń qosymsha sabaqqa barý úshin úiinen shyqqany aitylady.
"12 jasar qyz qosymsha sabaqqa barýy kerek edi, biraq ol 7-qabattaǵy páterinen shyǵyp, 13-qabatqa kóterilip, balkonnan sekirip ketken", – delingen aqparatta.
Jelide taraǵan aqparatta qyzdyń qaýipti oiyn oinaǵany týraly aityldy. Alaida politsiia bul aqparatty joqqa shyǵardy.
"Osy fakti boiynsha Bostandyq aýdandyq politsiia bólimi qylmystyq is qozǵady. Kóz jumǵan balanyń qaýipti oiyndar oinap, óz-ózine qol jumsaý týraly áleýmettik jelilerde taraǵan aqparattyń shyndyqqa janaspaitynyn habarlaimyz. Almaty qalalyq politsiia departamenti jalǵan aqparat taratqany úshin qylmystyq jaýapkershilik qarastyrylǵanyn eskertedi", – dep habarlady departamenttiń baspasóz qyzmeti.
Eske salsaq, buǵan deiin 16 qyrkúiekte Almatyda eki oqýshy qyz belgisiz jaǵdaida toǵyz qabatty úidiń tóbesinen qulap qaza tapqany habarlandy.
