فوتو: كازتاگ
الماتىدا 12 جاستاعى قىز كٶپقاباتتى ٷيدٸڭ ون ٷشٸنشٸ قاباتىنان قۇلاپ, كٶز جۇمدى, دەپ حابارلايدى "ۇلت اقپارات".
ەلەۋمەتتٸك جەلٸدە الماتىدا 12 جاستاعى قىز كٶپقاباتتى ٷيدٸڭ ون ٷشٸنشٸ قاباتىنان قۇلاپ كەتكەنٸ تۋرالى اقپارات تارادى. قىزدىڭ قوسىمشا ساباققا بارۋ ٷشٸن ٷيٸنەن شىققانى ايتىلادى.
"12 جاسار قىز قوسىمشا ساباققا بارۋى كەرەك ەدٸ, بٸراق ول 7-قاباتتاعى پەتەرٸنەن شىعىپ, 13-قاباتقا كٶتەرٸلٸپ, بالكوننان سەكٸرٸپ كەتكەن", – دەلٸنگەن اقپاراتتا.
جەلٸدە تاراعان اقپاراتتا قىزدىڭ قاۋٸپتٸ ويىن ويناعانى تۋرالى ايتىلدى. الايدا پوليتسييا بۇل اقپاراتتى جوققا شىعاردى.
"وسى فاكتٸ بويىنشا بوستاندىق اۋداندىق پوليتسييا بٶلٸمٸ قىلمىستىق ٸس قوزعادى. كٶز جۇمعان بالانىڭ قاۋٸپتٸ ويىندار ويناپ, ٶز-ٶزٸنە قول جۇمساۋ تۋرالى ەلەۋمەتتٸك جەلٸلەردە تاراعان اقپاراتتىڭ شىندىققا جاناسپايتىنىن حابارلايمىز. الماتى قالالىق پوليتسييا دەپارتامەنتٸ جالعان اقپارات تاراتقانى ٷشٸن قىلمىستىق جاۋاپكەرشٸلٸك قاراستىرىلعانىن ەسكەرتەدٸ", – دەپ حابارلادى دەپارتامەنتتٸڭ باسپاسٶز قىزمەتٸ.
ەسكە سالساق, بۇعان دەيٸن 16 قىركٷيەكتە الماتىدا ەكٸ وقۋشى قىز بەلگٸسٸز جاعدايدا توعىز قاباتتى ٷيدٸڭ تٶبەسٸنەن قۇلاپ قازا تاپقانى حابارلاندى.
