Foto: ashyq derekkóz
Almatyda 114 million teńgege jasandy jalǵan brend taýarlar satqan alaiaq sottaldy, dep habarlaidy "Ult aqparat" qalalyq sottyń baspasóz qyzmetine siltep.
"Sot sottalýshy H.-ny Qylmystyq kodekstiń 190-babynyń 4-bóliginiń 2-tarmaǵymen kináli dep tanyp, bes jyl alty aiǵa bas bostandyǵynan aiyrý jazasyn taǵaiyndady. Bul jaza jeńildetilgen túrde, sonyń ishinde buryn-sońdy sottylyǵynyń bolmaýy eskerile otyryp taǵaiyndaldy", - delingen habarlamada.
Aitýynsha, sottalýshy jýrnaldardyń birinde brend-direktor bolyp jumys istep júrip, jábirlenýshi K-men kezdesip, qalyptasqan dostyq qarym-qatynastyń arqasynda olar Almatyda jáne shetelde qoǵamdyq sharalarǵa birge qatysqan.
Ózin sán úileri men brendtik dúkenderdiń qyzmetkerimin dep tanystyrǵan H. jańa tanystaryna resmi dúkenderdegiden arzan baǵada túpnusqa áshekei buiymdar men firmalyq taýarlardy berýge ýáde etken.
Málimetterge sáikes, jábirlenýshilerdiń biri oǵan sómke úshin 14,5 million teńge bergen, sómke jalǵan brend bolyp shyqqan. Dál osy shema boiynsha sottalýshynyń shotynda jalpy somasy 114 million teńgeni quraityn alaiaqtyqtyń taǵy jeti epizody tirkeldi.
Aiyptalýshy tek kýrer retinde taýar jetkizgenin aityp, óz kinásin moiyndamady.
