Almatyda 100 jastaǵy keiýana koronavirýstan emdelip shyqty, dep habarlaidy QazAqparat tilshisi.
Dámesh Qarataeva Almaty qalasy I. Jekenov atyndaǵy klinnikalyq juqpaly aýrýlar aýrýhanasyna 5 aqpan kúni jótel jáne álsizdikpen aýyr halde tústi.
Dárigerlerdiń aitýynsha, naýqas birden intensivti terapiia bólimshesinde em alyp, dinamikasy jaqsarǵan.
«Naýqas koronavirýs infektsiiasy diagnozymen, ókpesiniń 25% zaqymdanýymen tústi. Aýrýdy jeńýdegi basty nárse – ájeidiń ómirge degen qushtarlyǵy», – deidi I. Jekenov atyndaǵy klinikalyq juqpaly aýrýlar aýrýhanasynyń 1 sanatty dárigeri Daniia Nasyrbekova.
Óz kezeginde ǵasyr jasaǵan ájei meditsina qyzmetkerlerine rizashylyǵyn bildirdi.
«Meni emdep, qoldaý bildirip jatqan aq halatty abzal jandarǵa rahmetimdi aitamyn, ainalaiyndar, ómir jastaryń uzaq bolsyn. Meniń jasymdy bersin. Elimiz tynysh bolyp, kórkeie bersin», - dep batasyn berdi ol.
Aita keteiik, Dámesh áje óziniń 100-ge kelgen týǵan kúninde aýrýhanadan shyqty.
«Qos qýanyshy qatar kelgen keiýanany aýrýhana mamandary gúl shoǵy men syilyq berip, úiine shyǵardy. Al keiýananyń jaqyndary aýrýhana ákimshiligine alǵysyn aitty», - dep qosty Almaty qalalyq qoǵamdyq densaýlyq basqarmasynyń baspasóz qyzmeti.
