الماتىدا 100 جاستاعى كەيۋانا كوروناۆيرۋستان ەمدەلٸپ شىقتى, دەپ حابارلايدى قازاقپارات تٸلشٸسٸ.
دەمەش قاراتاەۆا الماتى قالاسى ي. جەكەنوۆ اتىنداعى كليننيكالىق جۇقپالى اۋرۋلار اۋرۋحاناسىنا 5 اقپان كٷنٸ جٶتەل جەنە ەلسٸزدٸكپەن اۋىر حالدە تٷستٸ.
دەرٸگەرلەردٸڭ ايتۋىنشا, ناۋقاس بٸردەن ينتەنسيۆتٸ تەراپييا بٶلٸمشەسٸندە ەم الىپ, ديناميكاسى جاقسارعان.
«ناۋقاس كوروناۆيرۋس ينفەكتسيياسى دياگنوزىمەن, ٶكپەسٸنٸڭ 25% زاقىمدانۋىمەن تٷستٸ. اۋرۋدى جەڭۋدەگٸ باستى نەرسە – ەجەيدٸڭ ٶمٸرگە دەگەن قۇشتارلىعى», – دەيدٸ ي. جەكەنوۆ اتىنداعى كلينيكالىق جۇقپالى اۋرۋلار اۋرۋحاناسىنىڭ 1 ساناتتى دەرٸگەرٸ دانييا ناسىربەكوۆا.
ٶز كەزەگٸندە عاسىر جاساعان ەجەي مەديتسينا قىزمەتكەرلەرٸنە ريزاشىلىعىن بٸلدٸردٸ.
«مەنٸ ەمدەپ, قولداۋ بٸلدٸرٸپ جاتقان اق حالاتتى ابزال جاندارعا راحمەتٸمدٸ ايتامىن, اينالايىندار, ٶمٸر جاستارىڭ ۇزاق بولسىن. مەنٸڭ جاسىمدى بەرسٸن. ەلٸمٸز تىنىش بولىپ, كٶركەيە بەرسٸن», - دەپ باتاسىن بەردٸ ول.
ايتا كەتەيٸك, دەمەش ەجە ٶزٸنٸڭ 100-گە كەلگەن تۋعان كٷنٸندە اۋرۋحانادان شىقتى.
«قوس قۋانىشى قاتار كەلگەن كەيۋانانى اۋرۋحانا ماماندارى گٷل شوعى مەن سىيلىق بەرٸپ, ٷيٸنە شىعاردى. ال كەيۋانانىڭ جاقىندارى اۋرۋحانا ەكٸمشٸلٸگٸنە العىسىن ايتتى», - دەپ قوستى الماتى قالالىق قوعامدىق دەنساۋلىق باسقارماسىنىڭ باسپاسٶز قىزمەتٸ.
