كولۋمبييالىق ەلەم جۇلدىزى شاكيرا العاش رەت ورتالىق ازييادا كونتسەرت بەرەدٸ. ەنشٸ 18 قازاندا بٸشكەكتە ٶتٸپ, «Las Mujeres Ya No Lloran» ەلەمدٸك تۋرنەسٸ اياسىندا ٶنەر كٶرسەتەدٸ, دەپ حابارلايدى ult.kz.

كونتسەرت باعدارلاماسىنا شاكيرانىڭ ەر جىلدارداعى تانىمال حيتتەرٸمەن قاتار, جاڭا البومىنداعى ەندەر دە ەنگەن. كٶرەرمەندەر «Hips Don’t Lie», «Whenever, Wherever», «Waka Waka», «She Wolf» سەكٸلدٸ ەيگٸلٸ كومپوزيتسييالاردى جاندى داۋىستا تىڭداي الادى.

GovTicket مەلٸمەتٸنشە, بيلەت ساتىلىمى 1 قازاندا بٸشكەك ۋاقىتىمەن ساعات 09:00-دە باستالعان. بيلەت قۇنى تاڭدالعان سەكتورعا قاراي ەرتٷرلٸ.

ساحنا الدىنداعى Fanzone 1 جەنە Fanzone 2 ايماقتارىنا كٸرۋ قۇنى 40 مىڭ سومعا, ياعني شامامەن 458 دوللارعا دەيٸن جەتەدٸ. ال Ground admission سەكتورىنداعى بيلەت 27 مىڭ سوم نەمەسە 309 دوللار تۇرادى.

كونتسەرتتٸ وتىرىپ تاماشالاعىسى كەلەتٸندەر ٷشٸن دە بٸرنەشە سانات قاراستىرىلعان. جوعارعى قاتارلارداعى ورىنداردىڭ باعاسى 13,5 مىڭ سومنان باستالادى. ەڭ ارزان بيلەت 12 مىڭ سوم, شامامەن 137 دوللار تۇرادى. الايدا بۇل ورىندار ساحنانىڭ شەتٸندە ورنالاسقاندىقتان, شوۋ تولىق كٶرٸنبەۋٸ مٷمكٸن.

بۇدان بٶلەك, بٸر ورنى 30 مىڭ سوم تۇراتىن Skybox لوجالارى ۇسىنىلادى. ولار 15-20 ادامعا ارنالعان جەنە حولل, اسٷي مەن بارمەن جابدىقتالعان. پرەميۋم VIP-بيلەتتەر ساتىلىمعا كەيٸنٸرەك شىعارىلماق. ولاردىڭ سانى شەكتەۋلٸ ەرٸ باعاسى نەگٸزگٸ ساناتتاردان جوعارى بولادى.

ۇيىمداستىرۋشىلاردىڭ مەلٸمەتٸنشە, ساحنا شىعىس تريبۋنانىڭ جانىندا ورنالاسادى, ال ونىڭ ارتىنداعى سەكتورلار كٶرەرمەندەر ٷشٸن جابىلادى. ستاديونعا كٸرۋ QR-بيلەت ارقىلى جٷزەگە اسادى. كونتسەرتكە 7 جاستان اسقان كٶرەرمەندەر عانا جٸبەرٸلەدٸ.

شاكيرا تۋرالى نە بەلگٸلٸ? 

شاكيرا – كولۋمبييالىق ەنشٸ, ەن اۆتورى, بيشٸ جەنە پروديۋسەر. تولىق اتى-جٶنٸ — شاكيرا يسابەل مەباراك ريپول. ول 1977 جىلعى 2 اقپاندا كولۋمبييانىڭ باررانكيليا قالاسىندا دٷنيەگە كەلگەن.

شاكيرا ەلەمدٸك مۋزىكا يندۋستريياسىنداعى ەڭ تانىمال لاتىنامەريكالىق ورىنداۋشىلاردىڭ بٸرٸ سانالادى. ول يسپان جەنە اعىلشىن تٸلدەرٸندە ەن ورىندايدى. ەنشٸنٸڭ حالىقارالىق دەڭگەيدە تانىلۋىنا «Whenever, Wherever», «Hips Don’t Lie», «Underneath Your Clothes», «She Wolf», «Waka Waka (This Time for Africa)» سەكٸلدٸ حيتتەرٸ ٷلكەن ىقپال ەتتٸ.

ول بٸرنەشە Grammy جەنە Latin Grammy جٷلدەسٸنٸڭ يەگەرٸ. 2010 جىلى وڭتٷستٸك افريكا رەسپۋبليكاسىندا ٶتكەن فۋتبولدان ەلەم چەمپيوناتىنىڭ رەسمي ەندەرٸنٸڭ بٸرٸ بولعان «Waka Waka» تۋىندىسىن ورىنداپ, دٷنيەجٷزٸنە كەڭٸنەن تانىلدى.

شاكيرا مۋزىكالىق مانسابىمەن قاتار قايىرىمدىلىق جۇمىستارىمەن دە اينالىسادى. ول بالالاردىڭ بٸلٸم الۋىنا قولداۋ كٶرسەتەتٸن جوبالارعا قاتىسىپ, ٶز قورى ارقىلى ەلەۋمەتتٸك باستامالاردى جٷزەگە اسىرىپ كەلەدٸ.