Qala ákimi Baqytjan Saǵyntaev soǵys ardageri Qaiyrly Jonqobaevty júz jyldyq mereitoiymen quttyqtady. Bul týraly ákim óziniń Twitter paraqshasynda jazdy.
«Memleket basshysynyń atynan aty ańyzǵa ainalǵan Panfilov diviziiasynda soǵysqan Qaiyrly Jonqobaevty júz jyldyq mereitoiymen quttyqtadym. Ardagerge «Eńbegi úshin» tósbelgisi tabys etildi. Aqsaqalǵa zor densaýlyq pen amandyq tileimiz», – dep jazdy ákim.
1941 jyly Otanyn qorǵaýǵa attanǵan qazaq sarbazy nebári 20 jasta edi. Ol Máskeý túbindegi erligi men soǵysta kórsetken batyldyǵy úshin kóptegen nagradalarmen marapattalǵan.
Búginde qart jaýynger 5 baladan 7 nemere, 14 shóbere súiip otyr.
