قالا ەكٸمٸ باقىتجان ساعىنتاەۆ سوعىس ارداگەرٸ قايىرلى جونقوباەۆتى جٷز جىلدىق مەرەيتويىمەن قۇتتىقتادى. بۇل تۋرالى ەكٸم ٶزٸنٸڭ Twitter پاراقشاسىندا جازدى.
«مەملەكەت باسشىسىنىڭ اتىنان اتى اڭىزعا اينالعان پانفيلوۆ ديۆيزيياسىندا سوعىسقان قايىرلى جونقوباەۆتى جٷز جىلدىق مەرەيتويىمەن قۇتتىقتادىم. ارداگەرگە «ەڭبەگٸ ٷشٸن» تٶسبەلگٸسٸ تابىس ەتٸلدٸ. اقساقالعا زور دەنساۋلىق پەن اماندىق تٸلەيمٸز», – دەپ جازدى ەكٸم.
1941 جىلى وتانىن قورعاۋعا اتتانعان قازاق ساربازى نەبەرٸ 20 جاستا ەدٸ. ول مەسكەۋ تٷبٸندەگٸ ەرلٸگٸ مەن سوعىستا كٶرسەتكەن باتىلدىعى ٷشٸن كٶپتەگەن ناگرادالارمەن ماراپاتتالعان.
بٷگٸندە قارت جاۋىنگەر 5 بالادان 7 نەمەرە, 14 شٶبەرە سٷيٸپ وتىر.
