Almaty qalasy álem megapolisteriniń qatarynda tsifrlandyrý boiynsha 25-oryndy ielenip otyr.
Almaty ákimdiginde búgin qalalyq IID ókilderi men qoǵamdyq keńes músheleri qalanyń qaýipsizdik máselelerin talqylady.
«Ákimdik qaýipsizdik máselesine kelgende 20-ǵa jýyq keshendi baǵdarlama qabyldaǵan. Ár dúisenbi kúni ákimdik apparatynda departament jetekshilerimen qala turǵyndarynyń aryz-shaǵymy jaily jiyn ótedi. Taldaý kórsetkendei, úlken qalada qaýipsizdik máselesi óte ózekti. Sebebi, qalada kóshi-qon kórsetkishi óte joǵary. Qaýipsizdikti qamtamasyz etý maqsatynda qalamyzdy tsifrlandyrýdy belsendi qolǵa alyp jatyrmyz. Búginde Almaty tsifrlandyrý reitinginde 25-orynda tur», – dedi Baýyrjan Baibek.
Almaty qalasy ákiminiń aitýynsha, álemdik standart boiynsha adam 24 saǵat boiy ózin qaýipsiz sezinýi kerek.
«Búginde ákimdik áleýmettik jeli arqyly halyqpen bailanysta otyr. Instagram arqyly ǵana halyqtyń alańdaýly suraqtary 3 kúnde sheshiledi. Sońǵy 3 jylda politsiia qyzmetkerlerin tehnologiialarmen, kólikpen qamtýǵa 30 mlrd teńge bólindi. Buryn qamtý kórsetkishi 66 paiyz bolsa, qazir politsiia 90 paiyzǵa jabdyqtalǵan», – dedi qala ákimi.
Qala basshysy bul kórsetkishti jyl sońyna deiin 100 paiyzǵa jetkizýdi kózdep otyr.
«Búginde beinebaqylaýmen jáne GPS quraldarmen 200 kólik jabdyqtalǵan. Osy quraldardyń arqasynda byltyr 241 myń jol erejesin buzý deregi áshkerelendi», – dedi ol.
Eske sala ketelik, Almatyda ótken jyly «Smart City»-diń jeti bazalyq jobasy belgilen bolatyn. Olar: memlekettik qyzmet, qaýipsizdik, kólik, bilim, densaýlyq saqtaý, elektrondy PIK, Big Data.
Sondai-aq, megapoliste qaýipsizdik, bilim, densaýlyq saqtaý máselelerine airyqsha nazar aýdarylýda. Joldarǵa, aýlalarǵa, mektepterge, saýda ortalyqtaryna 100 myńnan astam kamera qoiylǵan. Sońǵy 2 jylda IID-niń tehnikalyq jaraqtanýy 23%-ǵa artyp, 87%-dy qurady. Jergilikti biýdjetten IID-ne 19 mlrd. teńge bólindi, bul ótken jylmen salystyrǵanda 40,6%-ǵa kóp. Jergilikti politsiia qyzmetkerlerin videoregistratorlarmen, bailanys quraldarymen,planshettermen qamtamasyz etý úshin 1 mlrd. teńge bólindi. Jalpy, qalada tártip buzýshylyq 8,6%-ǵa azaidy, aýyr qylmystardy ashý 9%-ǵa artty. TJ-dyń aldyn alý úshin jergilikti biýdjetten 10 mlrd.teńge bólindi, iaǵni 2,6 ese kóp. 9 eń qaýipti marendi kólder buǵaqtaldy, Medeý-Shymbulaq joldarynyń shatqaldary, GES-1 Úlken Almaty ózeniniń jaǵalaýlary nyǵaityldy. Jalpy uzyndy 11,6 km bolatyn úsh ózenniń jaǵalaýlary qaita jasaldy. 2015 jylǵy Qarǵaly ózeni seliniń zardaptary joiylyp, ózen arnasy zamanaýi turǵyda qaita jasaldy.
