Almatyda bir kúnde karantin talaptaryn oryndamaǵan 10 nysan basshylyǵyna shara qoldanyldy, dep habarlaidy "Ult aqparat".
Arnaiy monitoring toby 13 qarashada 28 nysannyń jumysyn teksergen edi. Onyń ishinde 10 nysanda karantin talaptary buzylǵany anyqtaldy. Atap aitqanda, Almaly aýdanynda S.Seifýllin kóshesi 467B-úidegi «Mega dóner» dámhanasy túngi saǵat 22.00-den asqanda jumys istep turǵan. Abylai han dańǵylyndaǵy «Býrger» dámhanasy túngi 22.00-den keiin jumys istep turǵan. Seifýllin kóshesindegi Tennisi.kz býkmeker keńsesi zańsyz jumys istegen.S.Muqanov kóshesindegi «Do Re Mi» Karaoke klýby zańsyz jumys istegen.
M.Áýezov aýdanynda «Tamyr» dámhanasy túngi saǵat 22.00-den keiin jumys istep turǵan.
Bostandyq aýdanynda «Mega Almaty» SOO-da fýdkort pen batýttar zańsyz jumys istegen. «ADK» saýda ortalyǵynda fýdkort jumysyn toqtatpaǵan.
Rozybakiev kóshesindegi taǵamdy jedel ázirleitin «Red Dragon» túngi 22.00-den keiin jumys istegen. Solsh kósheniń boiyndaǵy Street food nysany da jumysyn toqtatpaǵan. Abai kóshesindegi «Barakat burger» ýaqyt shekteýin saqtamaǵan.
Osy mekemelerge qatysty QR ÁqbK 425-babynyń 1-bólimimen hattama toltyryldy.
