Almatyda aqsha aiyrbastaý ornynyń burynǵy iesi turǵyndardyń bir million dollaryn urlap ketken. 43 jastaǵy kúdikti jurtty túlkibulańǵa salyp, valiýta aiyrbasy kezinde aqshalaryn eselep beremin dep, barlyǵyn taqyrǵa otyrǵyzǵan. Bul týraly "Almaty" telearnasy habarlady.
Ázirge Túrksib aýdany ishki ister basqaramasyna 4 jábirlenýshiniń aryzdanǵany anyqtaldy. Politseiler "aldanǵan adamdar budan da kóp bolýy múmkin" deidi.
Alaiaqtyq jolmen qap qarajatqa kenelgen kúdikti shetel asyp úlgergen. Biraq tártip saqshylary ony kóp uzamai qolǵa túsirdi. Osy is boiynsha qylmystyq is qozǵaldy. Kúdikti ýaqytsha tergeý izoliatoryna qamalǵan.
