Bul týraly qalanyń qoǵamdyq densaýlyq saqtaý basqarmasynyń dáriger-epidemiology Elvira Ibragimova brifingte aitty. Almatylyq meditsina qyzmetkerlerin vaktsinalaý úshin «SQ Farmatsiia» 1750 doza ekpe jetkizgen, dep habarlaidy "Ult aqparat".
Birinshi kezekte, vaktsinatsiia infektsiialyq statsionarlardyń qyzmetkerlerine, kópsalaly statsionarlardyń qabyldaý, reanimatsiia bólimderiniń qyzmetkerlerine, alǵashqy meditsinalyq-sanitarlyq kómek kórsetetin jedel meditsinalyq kómek qyzmetkerlerine, sonymen qatar, sanitarlyq-epidemiologiialyq qyzmettiń qyzmetkerlerine júrgiziledi.
«Meditsina qyzmetkerlerine birinshi kezeń úshin 1 750 doza vaktsina alyndy, sáikesinshe, ekinshi kezeńge de 1750 doza jetkizilýi tiis. Vaktsina 2 kezeńde júrgiziledi, basynda 0,5 ml dozada birinshi komponent, keiin 21 kúnnen keiin 2 komponentpen taǵy da 0,5 ml engiziledi, osylaisha, vaktsinanyń birinshi dozasy immýndyq jaýapty iske qossa, ekinshisi ony kúsheitedi»,- dep atap ótti E.Ibragimova.
8 aqpanda birinshi komponent vaktsinasymen 1 315 meditsina qyzmetkeri qamtyldy.
59 jaǵdaida vaktsinatsiia keiinge qaldyryldy jáne 2 adam vaktsinatsiiadan bas tartty.
21 aqpannan bastap qyzmetkerlerdi ekinshi kompnentpen vaktsinalaý jalǵasady.
Vaktsinatsiia júrgizý úshin ár aýdanda egý kabinetteri men egý brigadasy daiyndaldy.
Immýndaý barlyq erejelerdiń qatań saqtalýymen jáne «sýyq tizbekti» saqtaý arqyly júrgiziledi.
