Foto: Pexels
Almaty zoobaǵyna eki ai buryn Pragadan jetkizilgen Tom atty aq aiýy óldi. Bul týraly Praga zoobaǵynyń direktory Miroslav Bobek óziniń Facebook paraqshasynda jazdy.
Ol aq aiý 4 mamyrda ólgenin, biraq Almaty zoobaǵy bul jóninde olarǵa 22 mamyrda ǵana habar bergenin atap ótti.
«Qazir Almaty haiýanattar baǵyndaǵy jaǵdai bizdikine qaraǵanda jaqsy, Tomnyń kóbeiýine jaǵdai jasalýy kerek edi. Tom bizden 28 naýryzda eshqandai aýrý belgilerinsiz ketti. Bizdiń bilýimizshe, Almatyǵa esh qiyndyqsyz jetkizildi. Keiin Almatydan sýretter men jazbasha esepterdi aldyq. Eń sońǵysy 15 sáýirde «aiýdyń jaǵdaiy jaqsy» dep naqty aitylǵan», - dep atap ótti ol.
Miroslav Bobek keiinnen Almaty zoobaǵynan eshqandai habar kelmei qalǵandyqtan, Qazaqstanǵa qyzmetkerlerin jóneltýdi jón kórgenderin jetkizdi.
«Biraq 22 mamyrda Almaty zoobaǵy Tomnyń ólgenin aitty. Olar bul habardy nege 18 kún boiy jasyrǵanyn túsinbeimin. Tomnyń ólimi boiynsha ashyq tergeýdi talap etemiz jáne shaǵymdy Zoobaqtar men akvariýmdardyń eýropalyq assotsiatsiiasy Chehiianyń Qazaqstandaǵy elshiligine jáne Qazaqstannyń Chehiiadaǵy elshiligine jiberemiz», - dep jazdy ol.
