فوتو: Pexels
الماتى زووباعىنا ەكٸ اي بۇرىن پراگادان جەتكٸزٸلگەن توم اتتى اق ايۋى ٶلدٸ. بۇل تۋرالى پراگا زووباعىنىڭ ديرەكتورى ميروسلاۆ بوبەك ٶزٸنٸڭ Facebook پاراقشاسىندا جازدى.
ول اق ايۋ 4 مامىردا ٶلگەنٸن, بٸراق الماتى زووباعى بۇل جٶنٸندە ولارعا 22 مامىردا عانا حابار بەرگەنٸن اتاپ ٶتتٸ.
«قازٸر الماتى حايۋاناتتار باعىنداعى جاعداي بٸزدٸكٸنە قاراعاندا جاقسى, تومنىڭ كٶبەيۋٸنە جاعداي جاسالۋى كەرەك ەدٸ. توم بٸزدەن 28 ناۋرىزدا ەشقانداي اۋرۋ بەلگٸلەرٸنسٸز كەتتٸ. بٸزدٸڭ بٸلۋٸمٸزشە, الماتىعا ەش قيىندىقسىز جەتكٸزٸلدٸ. كەيٸن الماتىدان سۋرەتتەر مەن جازباشا ەسەپتەردٸ الدىق. ەڭ سوڭعىسى 15 سەۋٸردە «ايۋدىڭ جاعدايى جاقسى» دەپ ناقتى ايتىلعان», - دەپ اتاپ ٶتتٸ ول.
ميروسلاۆ بوبەك كەيٸننەن الماتى زووباعىنان ەشقانداي حابار كەلمەي قالعاندىقتان, قازاقستانعا قىزمەتكەرلەرٸن جٶنەلتۋدٸ جٶن كٶرگەندەرٸن جەتكٸزدٸ.
«بٸراق 22 مامىردا الماتى زووباعى تومنىڭ ٶلگەنٸن ايتتى. ولار بۇل حاباردى نەگە 18 كٷن بويى جاسىرعانىن تٷسٸنبەيمٸن. تومنىڭ ٶلٸمٸ بويىنشا اشىق تەرگەۋدٸ تالاپ ەتەمٸز جەنە شاعىمدى زووباقتار مەن اكۆاريۋمداردىڭ ەۋروپالىق اسسوتسياتسيياسى چەحييانىڭ قازاقستانداعى ەلشٸلٸگٸنە جەنە قازاقستاننىڭ چەحيياداعى ەلشٸلٸگٸنە جٸبەرەمٸز», - دەپ جازدى ول.
