QR ekologiia, geologiia jáne tabiǵi resýrstar ministrligi elimizdiń aimaqtarynda jańa Ekologiialyq kodekstiń normalaryn túsindirýdi jalǵastyrýda. Búgin Almaty qalasynyń turǵyndarymen Kodeks normalary boiynsha jumys kezdesýi ótti, dep habarlaidy atalǵan vedomstvonyń baspasóz qyzmeti.
Ekologiia ministri Maǵzum Myrzaǵalievtiń aitýynsha, qaladaǵy atmosferalyq aýa sapasy ózekti másele bolyp tabylady.
«Almaty qalasy birneshe jyldan beri respýblikanyń eń lastanǵan qalalarynyń tizimine engen. Lastaný jylý kózderinen shyǵatyn shyǵaryndylardan týyndaidy, buǵan JEO-2 jáne 3, jeke turǵyn úiler jáne jol keptelisi jatady. Osy problemalardy sheshý úshin 2020 jylǵy tamyzda Úkimet qalanyń ekologiialyq problemalaryn keshendi túrde sheshýdiń Jol kartasyn bekitti», - dep atap ótti ministr.
Sonymen qatar, vedomstvo basshysynyń aitýynsha, 2019 jyly qala atmosferasyndaǵy jylý kózderiniń úlesi 34% qurady: JEO-2 – 26% (37,8 myń tonna) jáne JEO-3 – 8% (11,7 myń tonna).
Qazirgi ýaqytta «Samuryq-Energo» AQ «Qorshaǵan ortaǵa áserdi barynsha azaita otyryp, Almaty JEO-2 jańǵyrtý» jobasynyń tehnikalyq-ekonomikalyq negizdemesin ázirleý júrgizýde.
«Tabiǵi gazdy qoldanystaǵy qazandyqtarǵa jaǵýǵa arnalǵan JEO-2-di qaita qurý JEO shyǵaryndylaryn 83% tómendetedi, al kúkirt dioksidi jáne kúl shańy siiaqty ýly zattar múldem joǵalady. Almaty oblysynda ornalasqan JEO-3 boiynsha da osyndai sheshimder qajet, olardyń shyǵaryndylary Almatynyń áýe basseinine 8% - ǵa áser etedi», - dep atap ótti Maǵzum Myrzaǵaliev.
Sonymen qatar, ministr Ekologiialyq kodekstiń jańa redaktsiiasy aiasynda qorshaǵan ortaǵa áserdi baǵalaýda da, memlekettik ekologiialyq baqylaýdy júzege asyrýda da qoǵamnyń róli edáýir artqanyn habarlady.
«Ekologiialyq kodeksti iske asyrý tutastai respýblika úshin jáne ár óńir úshin de asa mańyzdy. Ortalyq jáne jergilikti memlekettik organdar tartylǵan jol kartasyn ýaqtyly ári sapaly iske asyrý Almaty qalasyndaǵy ekologiialyq jaǵdaidy jaqsartýǵa ákeledi. Osyǵan bailanysty men toqsan saiyn jaýapty memlekettik organdardyń Jol kartasy tarmaqtaryn iske asyrý barysyn qoǵam aldynda tyńdaýdy usynamyn», - dedi ministr.
Maǵzum Myrzaǵaliev sonymen birge jaýapkershilikti jáne qoǵamnyń rólin kúsheitýmen qatar, kásiporyndarda ekologiialyq qaýipsiz tehnologiialarǵa kóshýden jáne shyǵaryndylardy azaitýdan basqa tańdaý qalmaitynyn, bul ekologiialyq ahýaldyń naqty jaqsarýyna ákeletinine de toqtaldy.
