Alǵashqylardyń biri bolyp «Spýtnik V» vaktsinasyn saldyrǵan Almaty jedel meditsinalyq járdem stantsiiasy direktorynyń orynbasary Aleksandr Lazarev qazirgi jaǵdaiy týraly aitty, dep habarlaidy QazAqparat.
«Men Reseidiń «Spýtnik V» vaktsinasyn saldyrdym. Endi ekinshi dozany 21 kúnen keiin alamyn. Jaǵdaiym jaqsy. Eshqandai keri reaktsiia baiqalmady. Ózimdi jaqsy sezinemin. Antideneler 15 kúnde paida bolýy kerek. Muny vaktsinanyń ekinshi dozasynan keiin qan analizi arqyly anyqtaýǵa bolady», - dedi Aleksandr Lazarev.
Sonymen qatar ol adamdarǵa vaktsina alýdyń qajettiligin túsindirdi.
«Koronavirýs infektsiiasy óte qaýipti. Sondyqtan vaktsina alý kerek dep oilaimyn. Eger siz KVI-ge qarsy vaktsina saldyrmasańyz, ony juqtyryp alýyńyz ábden múmkin. Sodan keiin, ókpeńiz zaqymdanady. Al pnevmoniia adamdar úshin óte qiyn aýrý», - dedi ol.
Onyń aitýynsha, adamdar óz densaýlyǵyna nemqurailyq tanytpaýy kerek. Barynsha saqtanyp, sanitarlyq talaptardy oryndaýǵa mindetti.
