Almaty ákimdiginiń málimetinshe, 2022 jyldyń 1 maýsymynda aiaqtalǵan "Almaty jastary" qalalyq jeńildikpen nesielendirý baǵdarlamasy aiasynda ótinishter men qujattardy qabyldaý qorytyndysy boiynsha 11 199 ótinish túsken, onyń ishinde salalar boiynsha:
1) bilim berý - 3 943;
2) densaýlyq saqtaý - 3 096;
3) áleýmettik sala - 1 384;
4) JOO men ǴZI - 1 208;
5) quqyq qorǵaý organdary - 792;
6) mádeniet - 453;
7) BAQ - 187;
8) sport - 136.
9 526 ótinim konkýrstan ótpedi jáne qabyldanbady.
Ótinishterdiń qabyldanbaý sebepteri:
- 5 043 ótinish mynadai sebepter boiynsha qabyldanbady: Qazaqstan Respýblikasynda turǵyn úidiń bolýy/bolmaýy týraly anyqtamanyń joqtyǵy; ótinish berýshiniń nemese Almaty qalasy nemese Almaty oblysy boiynsha turǵyn úidiń bar/joǵy týraly anyqtamalar; barlyq otbasy músheleriniń anyqtamasynyń bolmaýy; balalardyń týý, neke nemese ajyrasý týraly kýálikterdiń kóshirmesi bolmaýy; eńbek kitapshasynyń skaneri joq; jumys ornynan anyqtama nemese zeinetaqy jarnalary týraly anyqtama bolmaýy;
- 410 ótinish sońǵy 6 aida zeinetaqy jinaqtary nemese 2-3 ai ǵana zeinetaqy jinaqtary nemese bala kútimi boiynsha demalysta bolmaýyna bailanysty qabyldanbady;
3 845 ótinish kelesi sebepter boiynsha qabyldanbady: jumys orny baǵdarlama talaptaryna sáikes kelmeidi, basymdyqqa jatpaidy;
65 ótinish qabyldanbady, sebebi Qazaqstan Respýblikasynda menshik quqyǵynda turǵyn úii bar;
- sońǵy 5 jylda turǵyn úidi ielikten shyǵarýǵa bailanysty 123 ótinishti qanaǵattandyrýdan bas tartyldy;
- 38 ótinish myna sebepter boiynsha qabyldanbady: qosa berilgen faildar men qujattardy ashý múmkin emes nemese skanerlengen faildar búlingen", - dedi memlekettik mekeme ókilderi.
Sondai-aq, ákimdik ótinishter qalai qaralady degen saýalǵa jaýap berdi.
"Basqarma qujattardy qabyldaý aiaqtalǵannan keiin barlyq berilgen ótinish pen qujatty júkteý jumystaryn júzege asyrady, sodan keiin barlyq qujattyń baǵdarlama talaptaryna sáikestigi qolmen tekseriledi. Tizimge engizý kezegi jinaǵan ball sanymen, iaǵni sanat boiynsha eń kóp ball sanymen anyqtalady.
Saitta ornalastyrylǵan, biraq qabyldanbaǵan ótinishter tizimi durys ári ózekti. Ornalastyrý kezinde tizim basqa sferalarǵa qosylyp ketken, biraq bul nátijege áser etpeidi. Baǵdarlamaǵa qatysýǵa ótinimderdi qatysýshylar saitta ETsQ arqyly berdi, barlyq qujat júkteldi, osylaisha, basqarma qyzmetkerleriniń qujattardy joiý múmkindigi bolmady", - dedi Almaty ákimdigi ókili.
Ákimdik málimetinshe, qatysýshylardy irikteý baǵdarlama talaptaryna sáikes júzege asyrylǵan. Negizgi talap - kórsetilgen sala boiynsha keiingi 6 aida zeinetaqy aýdarymdary bar resmi ótiliniń bolýy.
Sondai-aq, ákimdik ókilderi "Almaty jastaryna arnalǵan turǵyn úi baǵdarlamasynyń nátijesi qaita qarala ma"- degen suraqqa jaýap berdi.
"Qaralǵan ótinishterdiń nátijesi negizdelgendikten, ótinishterdi qaita qaraý júrgizilmeidi", - dep qorytyndylady memlekettik organ.
Eske salaiyq, 2022 jyly "Almaty jastary" baǵdarlamasyna qatysýǵa ótinish qabyldaý 18 mamyrda bastalyp, 1 maýsymǵa deiin jalǵasty. Almaty ákimdigi men "Otbasy banki" birlesken jobasyna 35 jasqa deiingi almatylyqtar qatysa alady.
Biyl baǵdarlamany júzege asyrýǵa 18 milliard teńge bólindi. Bul aqsha "Almaty jastary" baǵdarlamasyna qatysatyn 1000 adamǵa bólinedi.
"Almaty qalasynyń Kommýnaldyq infraqurylymdy damytý basqarmasy" KMM ókilderi qatysýshylardan ótinishti qabyldap, qarastyrady.
