Almatyda 2021 jyly «Almaty jastary» baǵdarlamasymen 1000 páter beriledi. Bul týraly búgin VII shaqyrylymdaǵy máslihattyń birinshi sessiiasynda qala ákimi Baqytjan Saǵyntaev aitty, dep habarlaidy "Ult aqparat".
Ákimniń aitýynsha, osy baǵytta ákimdik «Otbasy bank» AQ talqylaý jasap jatyr.
«Byltyr bankpen birige otyryp 13 mlrd teńge bóldik. Búginde qalamyzdyń ekonomikasynyń ár salasynda eńbek etip jatqan 1000-ǵa jýyq jas osy baǵdarlamamen páter aldy. Biyl da osyny jalǵastyramyz. Infliatsiiaǵa bailanysty naryqta páter qymbattap barady. Soǵan bailanysty nesie kólemin 18 mlrd teńgege jetkizip jatyrmyz. Biyl da 1000 páter beriledi. Bul «Nurly jer», «Baqytty otbasy» baǵdarlamalarynan bólek bolmaq», - dedi ákim.
Onyń aldynda ákim 25 JOO bazasynda 16 myń orynǵa 38 jataqhana, eki kolledjde 600 oryndyq jataqhana salynatynyn aitqan bolatyn.
Jalǵa alý baǵdarlamasymen Almatyda jumysker jastar 5 myń páter alatyn bolady.
Aita ketý kerek, Almatyda búgin VII qalalyq Máslihattyń birinshi sessiiasy ótti.
Sessiia barysynda Máslihat hatshysy, qaitadan qurylǵan turaqty komissiia tóraǵalary taǵaiyndaldy. Sonymen qatar, «Almaty-2025» damý baǵdalamasy bekitildi.
