الماتىدا 2021 جىلى «الماتى جاستارى» باعدارلاماسىمەن 1000 پەتەر بەرٸلەدٸ. بۇل تۋرالى بٷگٸن VII شاقىرىلىمداعى مەسليحاتتىڭ بٸرٸنشٸ سەسسيياسىندا قالا ەكٸمٸ باقىتجان ساعىنتاەۆ ايتتى, دەپ حابارلايدى "ۇلت اقپارات".
ەكٸمنٸڭ ايتۋىنشا, وسى باعىتتا ەكٸمدٸك «وتباسى بانك» اق تالقىلاۋ جاساپ جاتىر.
«بىلتىر بانكپەن بٸرٸگە وتىرىپ 13 ملرد تەڭگە بٶلدٸك. بٷگٸندە قالامىزدىڭ ەكونوميكاسىنىڭ ەر سالاسىندا ەڭبەك ەتٸپ جاتقان 1000-عا جۋىق جاس وسى باعدارلامامەن پەتەر الدى. بيىل دا وسىنى جالعاستىرامىز. ينفلياتسيياعا بايلانىستى نارىقتا پەتەر قىمباتتاپ بارادى. سوعان بايلانىستى نەسيە كٶلەمٸن 18 ملرد تەڭگەگە جەتكٸزٸپ جاتىرمىز. بيىل دا 1000 پەتەر بەرٸلەدٸ. بۇل «نۇرلى جەر», «باقىتتى وتباسى» باعدارلامالارىنان بٶلەك بولماق», - دەدٸ ەكٸم.
ونىڭ الدىندا ەكٸم 25 جوو بازاسىندا 16 مىڭ ورىنعا 38 جاتاقحانا, ەكٸ كوللەدجدە 600 ورىندىق جاتاقحانا سالىناتىنىن ايتقان بولاتىن.
جالعا الۋ باعدارلاماسىمەن الماتىدا جۇمىسكەر جاستار 5 مىڭ پەتەر الاتىن بولادى.
ايتا كەتۋ كەرەك, الماتىدا بٷگٸن VII قالالىق مەسليحاتتىڭ بٸرٸنشٸ سەسسيياسى ٶتتٸ.
سەسسييا بارىسىندا مەسليحات حاتشىسى, قايتادان قۇرىلعان تۇراقتى كوميسسييا تٶراعالارى تاعايىندالدى. سونىمەن قاتار, «الماتى-2025» دامۋ باعدالاماسى بەكٸتٸلدٸ.
