Biyl «Almaty jastary» jobasy aiasynda qalanyń 1 myń turǵyny baspanaly bolady. Bul týraly qala ákimdiginiń baspasóz qyzmetinen málim etti, dep habarlaidy QazAqparat.
«Almaty Jastary» qalalyq turǵyn úi baǵdarlamasyn biyl da jalǵastyrý josparlanyp otyr.
Jeńildikpen nesielendirý boiynsha «Almaty Jastary» qalalyq baǵdarlamasy sheńberinde 2022 jylǵa qabyldaýdy bastaý, ótinimder men qujattardy qabyldaý saity, baǵdarlamanyń aǵymdaǵy jylǵy sharttary men talaptary boiynsha aqparat Almaty qalasy Turǵyn úi saiasaty basqarmasynyń saitynan jáne áleýmettik jelidegi paraqshalarynda jariialanady», - dep habarlady qala ákimdiginen.
Osy baǵdarlama aiasynda biyl 1 myń jas otbasy baspanamen qamtamasyz etiledi.
Aita keteiik, baǵdarlamaǵa 35 jasqa deiingi jastar qatysa alady, olar: meditsina qyzmetkerleri, muǵalimder, JOO men ǴZI oqytýshylary men ǵylymi qyzmetkerleri, mádeniet jáne sport salasynyń qyzmetkerleri, jýrnalister, jazýshylar, halyqty áleýmettik qorǵaý jáne quqyq qorǵaý organdarynyń mamandary.
2020 jyly úi alýǵa beriletin qaryz 13 mln teńge edi. Byltyr nesie kólemi 18 mln teńgege arttyryldy. Eger ótinim qabyldansa, onyń 10 paiyzyn, iaǵni 1,8 million teńgeni bastapqy jarna retinde tólep, 18 mln teńgege baspana alýǵa bolady.
