Almatyda 4 lombardty 110 mln teńgege aldaǵan alaiaq ustaldy, dep habarlaidy "Ult aqparat".
Qalalyq Politsiia departamenti málim etkendei, 31 jastaǵy almatylyq megopoliste birneshe lombardty taqyrǵa otyrǵyzǵan. Ol jalǵan kepil qujattaryn jasaý arqyly 110 mln teńge tapqan.
«Kúdikti buryn qylmystyq jaýapkershilikke tartylmaǵan. Ol óziniń «Kadillak Eskaleid» avtokóliginiń VIN kodyn ózgertip, atalǵan kólikti basqa memleketten elge endi ǵana ákelingendei etip kórsetken. Sonymen qatar kólikti birneshe ret týystaryna jáne dostaryna tirkegen. Ári qarai ol qujattary jańartylǵan kólikti lombardqa aparyp, avtokólikti kólik júrgizý quqyǵymen kepilge qoiady. Qarapaiym tilmen aitqanda, joq djiptiń qujattaryn kepil retinde qaldyryp, qomaqty somany iemdengen. Osylaisha alaiaq qaladaǵy tórt lombardty aldaǵan»,– dedi Almaty qalasynyń PD tergeý basqarmasy bastyǵynyń orynbasary Muhamedáli Seisenuly.
Qazir onyń ústinen QR QK-niń 190-babynyń 4-bóliginiń 2-tarmaǵy boiynsha (asa iri kólemde jasalǵan alaiaqtyq) is qozǵaldy.
