Almatyda «Biýdjetke qatysý» qalalyq jobasy aiasynda turǵyndardyń usynysyna daýys berý qorytyndysy shyǵaryldy, dep habarlaidy "Ult aqparat".
«Biýdjetke qatysý» jobasy boiynsha ótinim jinaý 28 tamyzda bastaldy. Qala turǵyndary budget.open-almaty.kz portaly arqyly usynysyn engizdi. Onyń ishinde eń jaqsy usynystardy 11-23 qarasha aralyǵynda ótken daýys berý kezinde turǵyndardyń ózi anyqtady. Daýys berý portalda ETsQ nemese JSN (SMS kod) paidalaný arqyly onlain, sondai-aq aýdandyq ákimdikter men Open Almaty front-ofisinde (Abai dańǵyly 90-úi) qaǵaz túrinde ótkizildi.
Biyl 795 jobalyq usynys tústi, onyń 448-i daýys berýge jiberildi. Almatylyqtar 28 576 daýys berdi, onyń ishinde 27 463 onlain jáne 1113 daýys qaǵazda usynyldy.
Osylaisha, «Biýdjetke qatysý» aiasynda 2021 jyly 343 joba iske asyrylady (Almaly aýdany — 73, Naýryzbai aýdany — 61, Túrksib aýdany — 54, Bostandyq aýdany — 49, Medeý aýdany — 34, Alataý aýdany — 31, Áýezov aýdany — 22, Jetisý aýdany — 19).
Qala turǵyndarynyń eń kóp daýys jinaǵan jobalary qatarynda Bostandyq aýdanynda №3 oqýshylar úiiniń aýmaǵyn abattandyrý (458), Alataý aýdanynda «Atletter qalashyǵy» TK aýmaǵyn abattandyrý (424), Almaly aýdanynda Shevchenko kóshesi, 167 mekenjaiyndaǵy aýlany jańartý jáne kógaldandyrý (387), Medeý aýdanynda №168 mektepke ótý úshin Ábilǵazy ózeni arqyly jaiaý júrginshiler kópiri men pandýsy bar baspaldaq salý (349), Túrksib aýdanynda «Qazaqstan jastaryna patriottyq tálim berý» taqyrybyna mýral salý (325), Áýezov aýdanyndaǵy Mamyr-1 yqshamaýdanynda balalar oiyn alańyn kúrdeli jóndeý (147), Naýryzbai aýdanyndaǵy Tastybulaq yqshamaýdanynda jol boiynda jabyq aryq júiesin ornatý (132), Jetisý aýdanyndaǵy Kókjiek yqshamaýdanynda Jekpe-jek ortalyǵyn ashý (112) jobalary bar.
Almaty qalasy Qoǵamdyq keńesiniń músheleri qaǵaz túrinde daýys berý nátijesin sanaýǵa qatysyp, turǵyndardyń bastamalaryna óz baǵasyn berdi.
«Biýdjetke qatysý» jobasy boiynsha qaǵaz túrinde daýys berý nátijesin sanaýǵa bir kún ketti. Bul turǵyndar óz aýdanyn abattandyrý úshin daýys berýge belsendi qatysqandyǵyn bildiredi. Meniń oiymsha, turǵyndardyń pikirin eskere otyryp, qalany damytý úshin «Biýdjetke qatysýdy» turaqty túrde ótkizý kerek. Tájiribe kórsetkendei qala turǵyndarynyń belsendiligi men jobaǵa degen qyzyǵýshylyǵy jyl saiyn artyp keledi», - dedi Almaty qalasy Qoǵamdyq keńesiniń múshesi Murat Ábdishúkirov.
Almaty qalasy Bostandyq aýdany múgedekter qoǵamynyń basqarma tóraǵasy Ulan Ińkárbekov te biyl turǵyndardyń belsendiligi artqanyn atap ótti.
«Ár aýdanda orta eseppen 100 jobadan usynyldy. Sonyń ishinde daýys berýge qala turǵyndaryna qajet jáne eń mańyzdy jobalar jiberildi. Jyl saiyn «Biýdjetke qatysý« arqyly qalalyq ortany jaqsartýǵa niet bildiretin turǵyndar sany kóbeie túsedi dep senemin», - dedi Ulan Ińkárbekov.
Almaty qalasy Qoǵamdyq keńesiniń sarapshysy Dmitrii Vasilevtiń pikirinshe, «Biýdjetke qatysýdyń» kategoriialaryn kóbeitip, abattandyrýdan bólek, áleýmettik nysandardy, demalys ortalyqtaryn ashý boiynsha jobalardy qosý múmkindigin qarastyrý qajet.
Esterińizge sala keteiik, 2019 jyly Almaty qalasynyń ákimdigi «Biýdjetke qatysý» pilottyq jobasyn júzege asyryp, qalanyń 8 aýdanyna jergilikti biýdjetten 500 mln tg bóldi. 2020 jyly jalpy soma 6,4 mlrd teńge deiin ósti 2019 jyly 4 mlrd teńge bólingen bolatyn. Ár aýdanǵa 800 mln teńge qarastyrylǵan. Qalaǵa qosylǵan aýmaqtardy damytý maqsatynda Naýryzbai jáne Alataý aýdandaryna «Biýdjetke qatysý» aiasynda qosymsha 500 mln teńge bólý qarastyrylǵan. Osylaisha, atalǵan eki aýdannyń árqaisysyna 1,3 mlrd teńge bólinedi.
