"Bek Air" áýe kompaniiasy Almaty mańynda qulaǵan ushaq apatynan qaza bolǵandardyń jaqyndaryna kóńil aitty, dep habarlaidy Sputnik Qazaqstan.
"Bek Air" áýe kompaniiasy ushaq qulaǵannan keiin 4,5 saǵattan soń ǵana alǵashqy túsiniktemesin berdi.
Áýe kompaniiasy apattan qaza bolǵandardyń jaqyndaryna kóńil aitty.
"Qazir biz oqiǵa ornynda jumys istep jatqan qyzmetterden resmi aqparat kútip otyrmyz. Anonimdi habarlamalarǵa nazar aýdarmaýdy suraimyz, sebebi olar alaiaqtardyń isi bolýy múmkin. Resmi aqparat kútýdi ótinemiz", - delingen feisbýkte jariialanǵan habarlamada.
Aita keteiik, búgin tańǵy jetide Almaty áýejaiynan Nur-Sultanǵa ushyp shyqqan Fokker 100 ushaǵy kóp uzamai radardan joǵalyp ketti. Ushaq Talǵar aýdanyndaǵy eldi mekenge qulaǵan. Lainer "Bek Eir" áýe kompaniiasyna tiesili.
Ushaq beton qorshaýyn buzyp, eki qabatty ǵimaratqa soǵylǵan. Apattan keiin Fokker 100 tiptegi ushaqtardy paidalanýǵa ýaqytsha tyiym salyndy.
Sońǵy derekterge súiensek, qaza tapqandar sany 12 adamǵa jetti, 50 adam aýrýhanada jatyr. Alty adam aýyr hálde, taǵy alty adamnyń háli óte nashar. Balalar aýrýhanasyna 19 bala jetkizildi. Zardap shekken birneshe adamǵa ota jasaý kerek.
