"Bek Air" ەۋە كومپانيياسى الماتى ماڭىندا قۇلاعان ۇشاق اپاتىنان قازا بولعانداردىڭ جاقىندارىنا كٶڭٸل ايتتى, دەپ حابارلايدى Sputnik قازاقستان.
"Bek Air" ەۋە كومپانيياسى ۇشاق قۇلاعاننان كەيٸن 4,5 ساعاتتان سوڭ عانا العاشقى تٷسٸنٸكتەمەسٸن بەردٸ.
ەۋە كومپانيياسى اپاتتان قازا بولعانداردىڭ جاقىندارىنا كٶڭٸل ايتتى.
"قازٸر بٸز وقيعا ورنىندا جۇمىس ٸستەپ جاتقان قىزمەتتەردەن رەسمي اقپارات كٷتٸپ وتىرمىز. انونيمدٸ حابارلامالارعا نازار اۋدارماۋدى سۇرايمىز, سەبەبٸ ولار الاياقتاردىڭ ٸسٸ بولۋى مٷمكٸن. رەسمي اقپارات كٷتۋدٸ ٶتٸنەمٸز", - دەلٸنگەن فەيسبۋكتە جارييالانعان حابارلامادا.
ايتا كەتەيٸك, بٷگٸن تاڭعى جەتٸدە الماتى ەۋەجايىنان نۇر-سۇلتانعا ۇشىپ شىققان Fokker 100 ۇشاعى كٶپ ۇزاماي راداردان جوعالىپ كەتتٸ. ۇشاق تالعار اۋدانىنداعى ەلدٸ مەكەنگە قۇلاعان. لاينەر "بەك ەير" ەۋە كومپانيياسىنا تيەسٸلٸ.
ۇشاق بەتون قورشاۋىن بۇزىپ, ەكٸ قاباتتى عيماراتقا سوعىلعان. اپاتتان كەيٸن Fokker 100 تيپتەگٸ ۇشاقتاردى پايدالانۋعا ۋاقىتشا تىيىم سالىندى.
سوڭعى دەرەكتەرگە سٷيەنسەك, قازا تاپقاندار سانى 12 ادامعا جەتتٸ, 50 ادام اۋرۋحانادا جاتىر. التى ادام اۋىر حەلدە, تاعى التى ادامنىڭ حەلٸ ٶتە ناشار. بالالار اۋرۋحاناسىنا 19 بالا جەتكٸزٸلدٸ. زارداپ شەككەن بٸرنەشە ادامعا وتا جاساۋ كەرەك.
