Almaty ákimi Baqytjan Saǵyntaev tsifrlyq efirlik televiziiaǵa kóshirý jobasynyń aiaqtalǵanyn málim etti, dep habarlaidy «Ult aqparat».
Qala ákimi Instagram -daǵy paraqshasynda tsifrlandyrýdyń jańa kezeńiniń bastaý alýymen analogtyq habar taratýdyń tarih qoinaýyna enetinin atap ótti.
«Jobany kezeń-kezeńmen iske asyrý kezinde Almaty men oblystaǵy 90 tsifrlyq radioteleviziialyq stansa paidalanýǵa berildi. Bul – 3,8 millionnan astam turǵyny bar 736 eldi-mekendi tsifrlyq efirlik telehabar taratý júiesimen qamtýǵa múmkindik ashty», — dep jazdy B.Saǵyntaev.
Tsifrlyq standart otandyq telearnalardyń habar taratý úlesin ulǵaityp, eldiń aqparattyq resýrsyna teń quqyqty qoljetimdilikti qamtamasyz etedi. 4-5 telearnanyń ornyna qazaqstandyq 30-ǵa jýyq telearnany tańdaýǵa múmkindik týdy. Bul rette qymbat spýtniktik tabaqty ornatýdyń da, kabeldik operatorǵa aqy tóleýdiń de qajeti joq. Áleýmettik osal toptaǵy azamattar signal qabyldaǵyshtar arqyly tegin qamtamasyz etiledi.
«Tsifrlyq» rejimge kóshýdiń resmi rásimi «Kóktóbe» telemunarasynda ótti. Ol respýblikadaǵy eń biik jáne tek Almaty aýmaǵyn ǵana emes, sonymen qatar jaqyn mańdaǵy 200 eldi mekendi tsifrlyq signalmen qamtidy. Bul Almaty oblysy turǵyndarynyń 40%-yn quraidy.
