Almaty kommýnaldyq kásipornynyń basshysy para aldy degen kúdikke ilindi, dep habarlaidy "Ult aqparat" Antikor baspasóz qyzmetine silteme jasap.
Almaty qalasy boiynsha Cybailas jemqorlyqqa qarsy qyzmet «Almaty tazalyq» ShJQ MKK direktoryna qatysty sotqa deiingi tergeý júrgizip jatyr.
"Ol merdiger uiym ókilinen 2,7 million teńge kóleminde para aldy dep kúdiktelip otyr. Bul soma oryndalǵan jumystardyń aktilerine qol qoiýǵa, memlekettik satyp alýlar boiynsha qosymsha kelisimsharttar jasaýǵa jáne jalpy qamqorlyqqa arnalǵan.
Kúdikti sottyń sanktsiiasymen qamaýǵa alyndy. Tergeý jalǵasyp jatyr" - delingen habarlamada.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
