Almaty taýlarynda joǵalyp ketken týristiń denesi tabyldy, dep habarlaidy "Ult aqparat".
Bul aqparatty QR Tótenshe jaǵdailar ministrliginiń resmi ókili Talǵat Ýáli rastady.
«12 aqpan kúni saǵat 14: 30-da 1981 jyly týǵan er adamnyń denesi «Shymbulaq» shatqalynan tabyldy» dep habarlady QR Tótenshe jaǵdailar ministrliginiń resmi ókili Talǵat Ýáli.
Birinshi kúnnen bastap izdestirý jumystary qalyń tuman, qatty jel, dymqyl qar, nóldik kóriný jaǵdaiyna qaramastan júzege asyryldy. Qutqarý jumysy 3200 m astam biiktikte, kóshkin qaýpi joǵary aýmaqta júrgizildi.
Jedel-qutqarý toptary Shymbulaq shyńyn, janasyp jatqan jotany, Shymbulaq ózeni boiyndaǵy shatqaldy, sondai-aq Bogdanovich muzdyǵynyń aýdanyn jáne Talǵar asýyn tolyqtai qarap shyqty.
Kesheli beri qutqarý operatsiiasy aýa raiynyń nasharlyǵyna bailanysty jaiaý júrgizildi.
Sondai-aq «Qazaviaqutqarý» mekemesiniń KA-32 áýe borty da izdeý jumysyna ázirlendi. Alaida qolaisyz meteorologiialyq jaǵdaiǵa bailanysty tikushaq áýege kóterilmedi.
Izdeý jumystaryna Tótenshe jaǵdailar jáne dúlei zilzalalardyń qaýip-qaterin azaitý jónindegi halyqaralyq ortalyqtyń ushqyshsyz basqarý apparaty (dron) qoldanyldy.
Dron teńiz deńgeiinen 5 myń 300 metrden astam biiktikke 5 márte kóterilgen. Kezekti izdestrý barysynda dron adamnyń qulaǵan izin kórsetti.
Osy arqyly qutqarýshylar joǵalǵan adamnyń boljamdy izdestirý aýmaǵyn belgilegen. Keiin alpinistik jabdyqtar men jipterdi qoldana otyryp, qutqarýshylar shatqalǵa tústi.
Kóshkin qaýpine qaramastan, qazirgi ýaqytta zardap shegýshini tasymaldaý jumystary júrgizilýde. Máiitti tasymaldaý shamamen 3 saǵattan astam ýaqytty alýy múmkin.
Esterińizge sala keteiik, izdestirý-qutqarý jumysyn úilestirý úshin oqiǵa ornynda TJM aýmaqtyq bólimsheleriniń, «109 qutqarý qyzmeti», Apattar meditsinasy ortalyǵynyń qutqarýshylarynan Almaty qalasy TJD jedel shtaby quryldy. TJ jáne dúlei zilzalalardyń qaýpin azaitý ortalyǵynyń ónerkásiptik ushqyshsyz ushý apparaty qoldanyldy.
Osylaisha qutqarý operatsiiasyna 70 qutqarýshy, 12 tehnika jumyldyryldy.
