Almaty memlekettik akademiialyq qýyrshaq teatry Qazanda ótken VI «Shombai-fest – 2026» halyqaralyq qýyrshaq teatrlary festivalinde Bas júlde ielendi, dep habarlaidy ult.kz.
Festivalge Qazaqstannan, Afrika elderinen, Serb Respýblikasynan jáne Reseidiń túrli óńirlerinen kelgen teatr ujymdary qatysty.
Teatr festivaldiń eń joǵary marapatyna ulttyq qundylyqtar men qazaq mádeni murasyn dáripteýge arnalǵan «Orteke» spektakli úshin ie boldy. Baiqaýǵa 14 teatr qatysyp, 150-den astam qýyrshaq óneriniń sheberi óner kórsetti.
Qazylar alqasynyń tóraǵasy David Býrmannyń aitýynsha, Almaty ujymyna Bas júldeni berý týraly sheshim biraýyzdan qabyldanǵan. Sonymen qatar teatr 2027 jyly Sankt-Peterbýrgte ótetin «KÝKART» halyqaralyq festivaline qatysýǵa shaqyrtý aldy.
Teatrdyń 90 jyldyǵyna orai sahnalanǵan «Orteke» spektakli kórermenderdi qazaqtyń salt-dástúrimen, aýyz ádebietimen jáne ulttyq mýzykalyq mádenietimen tanystyrady.
