Almaty politsiiasy qalada páter jaldap turyp jatqan azamattardy tekserýdi kúsheitpek. Bul týraly Almaty ákimdiginde ótken qoǵamdyq keńes músheleri men IID qyzmetkerleriniń otyrysynda IID basshysy Serik Kúdebaev aitty, dep habarlaidy QazAqparat tilshisi.
Politsiia endi páter jaldap turatyn adamdardyń úiin jii tekserip turatyn boldy. Júrgizilgen taldaýlarǵa sáikes, bolǵan qylmystardyń 31 paiyzyn syrttan kelgender jasaidy eken.
Qylmystyq ahýaldy baqylaýda ustaý maqsatynda páter jaldaýshylar endi keshendi ári josparly túrde tekserilip turady. Onyń ishinde sheteldikter turatyn jataqhanalar, qonaq úilerge de politsiia jii bas suǵyp turmaq.
Sonymen qatar, onyń aitýynsha, jyl basynan beri 103 myń quqyq buzýshyǵa 637 mln teńge aiyppul salynǵan.
IID basshysy Serik Kúdebaevtyń sózinshe, IID basty mindeti - politseiler arasyndaǵy qylmysty azaitý bolyp otyr.
«2017 jyly 457 qyzmetker jumystan qýylǵan. Olardyń 10 paiyzy sybailas jemqorlyq boiynsha aiyptalsa, 1 833 qyzmetker - tártiptik, 32 qyzmetker - qylmystyq jaýapkershilikke tartylǵan», - dedi S.Kúdebaev.
Sondai-aq, biyl Almaty IID shtattyq birlikti kóbeitpek. IID basshysynyń aitýynsha, Alataý jáne Naýryzbai aýdanynyń paida bolýyna bailanysty shtattyq birlikti kóbeitý josparlanyp otyr.
