Almatyda qylmystyq top osy jyldyń 5-6 qańtary kúnderi qala kóshelerinde dene kúshin qoldanyp, azamattardy zańsyz tutqyndap, uryp-soqqan, dep habarlaidy QazAqparat.
Tergeý barysynda anyqtalǵandai, qylmystyq top azamattardy erkinen tys «Qazaqstan» qonaq úiindegi «BallRoom» meiramhanasy men «Esentai Tower» biznes ortalyǵynyń kólik turaǵynda ustap otyrǵan. Ustalǵandardyń arasynda alǵan jaraqattarynan kóz jumǵan adamdar da bar.
«Zardap shekkenderdiń kópshiligi anyqtalyp, tergeý amaldary júrgizildi. Alaida, bolǵan oqiǵalardyń tolyq kórinisin anyqtaý úshin tergeýmen anyqtalmaǵan kýágerler men jábirlenýshilerdiń aiǵaqtary qajet. Azamattyq boryshyn óteýge shaqyra otyryp, kórsetilgen qylmystyq áreketterden zardap shekken, sondai-aq, osy oqiǵalardyń kýágeri bolǵandardyń barlyǵyn Jeltoqsan kóshesi, 189 mekenjaiy boiynsha Almaty qalasy prokýratýrasynyń ǵimaratyna kelip, bar bilgenderin tergeý-jedel tobyna habarlaýlaryn suraimyz. Bailanys telefondar: 8-775-888-03-65; 8-775-644-95-96», - delinedi qalalyq politsiia departamenti taratqan habarlamada.
