Almaty politsiiasy «Kontrafakt» jedel profilaktikalyq operatsiiasyn ótkizdi, dep habarlaidy "Ult aqparat".
Bir aptanyń ishinde aqparat jáne bailanys salasynda 5 qylmys áshkerelengen.
51 jastaǵy adam bildirmei jazatyn aýdio-video tehnikany saýdaǵa qoiǵan. Ústelge qoiatyn saǵattan fleshka salatyn oryn men zariad quraly tabyldy.
Bul derek boiynsha saraptama taǵaiyndaldy.
Sonymen qatar, eki adam belgili internet alańda elitalyq páterdi jalǵa beremin degen jarnama taratqan.
Alaida qolymyz timei jatyr dep syltaý aityp, aqshany elektrondy aýdarymmen jiberýlerin suraǵan.
Osylaisha ańqaý tutynýshylardyń qarjysyn iemdenip otyrǵan.
«Búginde kóptegen qylmystar internet arqyly jasalady. Taraptar bir-birin kórmei-aq mámile jasaidy. Biri-birine esepshottary, rekvizitteri týraly, jeke málimetterin jibere beredi. Máselen jaqynda ǵana 30 jastaǵy áiel ustaldy. Ol bir internet dúkennen taýar almaq bolyp, satýshydan kartanyń málimetterin suratqan. Satýshy esh kúdiksiz málimetterin bere salǵan. Sodan soń karta málimetterin paidalana otyryp karta iesiniń atyna mikronesie uiymy arqyly nesie rásimdetken. Karta iesine iri qarajat túsken soń habarlasyp, aqshany shatasyp laqtyryp jiberdim dep Kivi ámiian arqyly qaitaryp berýin ótingen. Osylaisha ol satýshynyń moinyna birneshe jylǵa nesie ilim ketken», – dedi qalalyq PD Qylmystyq politsiia basqarmasynyń basshysy Janbolat Ziadin.
