الماتى پوليتسيياسى «كونترافاكت» جەدەل پروفيلاكتيكالىق وپەراتسيياسىن ٶتكٸزدٸ, دەپ حابارلايدى "ۇلت اقپارات".
بٸر اپتانىڭ ٸشٸندە اقپارات جەنە بايلانىس سالاسىندا 5 قىلمىس ەشكەرەلەنگەن.
51 جاستاعى ادام بٸلدٸرمەي جازاتىن اۋديو-ۆيدەو تەحنيكانى ساۋداعا قويعان. ٷستەلگە قوياتىن ساعاتتان فلەشكا سالاتىن ورىن مەن زارياد قۇرالى تابىلدى.
بۇل دەرەك بويىنشا ساراپتاما تاعايىندالدى.
سونىمەن قاتار, ەكٸ ادام بەلگٸلٸ ينتەرنەت الاڭدا ەليتالىق پەتەردٸ جالعا بەرەمٸن دەگەن جارناما تاراتقان.
الايدا قولىمىز تيمەي جاتىر دەپ سىلتاۋ ايتىپ, اقشانى ەلەكتروندى اۋدارىممەن جٸبەرۋلەرٸن سۇراعان.
وسىلايشا اڭقاۋ تۇتىنۋشىلاردىڭ قارجىسىن يەمدەنٸپ وتىرعان.
«بٷگٸندە كٶپتەگەن قىلمىستار ينتەرنەت ارقىلى جاسالادى. تاراپتار بٸر-بٸرٸن كٶرمەي-اق مەمٸلە جاسايدى. بٸرٸ-بٸرٸنە ەسەپشوتتارى, رەكۆيزيتتەرٸ تۋرالى, جەكە مەلٸمەتتەرٸن جٸبەرە بەرەدٸ. مەسەلەن جاقىندا عانا 30 جاستاعى ەيەل ۇستالدى. ول بٸر ينتەرنەت دٷكەننەن تاۋار الماق بولىپ, ساتۋشىدان كارتانىڭ مەلٸمەتتەرٸن سۇراتقان. ساتۋشى ەش كٷدٸكسٸز مەلٸمەتتەرٸن بەرە سالعان. سودان سوڭ كارتا مەلٸمەتتەرٸن پايدالانا وتىرىپ كارتا يەسٸنٸڭ اتىنا ميكرونەسيە ۇيىمى ارقىلى نەسيە رەسٸمدەتكەن. كارتا يەسٸنە ٸرٸ قاراجات تٷسكەن سوڭ حابارلاسىپ, اقشانى شاتاسىپ لاقتىرىپ جٸبەردٸم دەپ كيۆي ەمييان ارقىلى قايتارىپ بەرۋٸن ٶتٸنگەن. وسىلايشا ول ساتۋشىنىڭ موينىنا بٸرنەشە جىلعا نەسيە ٸلٸم كەتكەن», – دەدٸ قالالىق پد قىلمىستىق پوليتسييا باسقارماسىنىڭ باسشىسى جانبولات زيادين.
