Almaty politsiiasy mánerlep syrǵanaýshy Denis Tendi óltirgen adamdar týraly aqparat bergenderge syiaqy taǵaiyndady, dep habarlaidy QazAqparat tilshisi.
Almaty politsiiasy sportshy Denis Tenniń ólimine qatysty QR QK 99-babynyń 2-bólimi boiynsha sotqa deiingi tergeý isin júrgizip jatyr. Tergeý aiasynda qylmysty ashý maqsatynda keshendi jedel-izdestirý, tergeý sharalary qolǵa alynǵan.
Sonymen qatar, Almaty IID oqiǵaǵa kýá bolǵandardy anyqtap jatyr.
"Bul oqiǵany kózimen kórgen, qylmysqa qatysy bar kúdikti adamdar týraly aqparat biletin adamdar bolsa, 254-40-42; 8-701-707-36-00 nemese 8-701-722-60-62, 102 nómirlerine habarlasýyn suraimyz. Qupiialylyq pen syiaqyǵa kepildik beriledi», - deidi qalalyq IID baspasóz qyzmetindegiler.
Aita ketý kerek, beisenbi kúni túski 15:00 shamasynda belgili sportshy Denis Ten pyshaq jaraqatymen aýrýhanaǵa túsken bolatyn.
Dárigerler klinikalyq ólim halinde kelip túsken sportshyǵa 2,5 saǵat boiy reanimatsiialyq sharalar jasap, aman alyp qala almady.
Denis Ten kóp qan joǵaltýy sebebinen kóz jumdy. Búgin marqum sońǵy jattyǵýynda bolǵan.
