الماتى پوليتسيياسى مەنەرلەپ سىرعاناۋشى دەنيس تەندٸ ٶلتٸرگەن ادامدار تۋرالى اقپارات بەرگەندەرگە سىياقى تاعايىندادى, دەپ حابارلايدى قازاقپارات تٸلشٸسٸ.
الماتى پوليتسيياسى سپورتشى دەنيس تەننٸڭ ٶلٸمٸنە قاتىستى قر قك 99-بابىنىڭ 2-بٶلٸمٸ بويىنشا سوتقا دەيٸنگٸ تەرگەۋ ٸسٸن جٷرگٸزٸپ جاتىر. تەرگەۋ اياسىندا قىلمىستى اشۋ ماقساتىندا كەشەندٸ جەدەل-ٸزدەستٸرۋ, تەرگەۋ شارالارى قولعا الىنعان.
سونىمەن قاتار, الماتى ٸٸد وقيعاعا كۋە بولعانداردى انىقتاپ جاتىر.
"بۇل وقيعانى كٶزٸمەن كٶرگەن, قىلمىسقا قاتىسى بار كٷدٸكتٸ ادامدار تۋرالى اقپارات بٸلەتٸن ادامدار بولسا, 254-40-42; 8-701-707-36-00 نەمەسە 8-701-722-60-62, 102 نٶمٸرلەرٸنە حابارلاسۋىن سۇرايمىز. قۇپييالىلىق پەن سىياقىعا كەپٸلدٸك بەرٸلەدٸ», - دەيدٸ قالالىق ٸٸد باسپاسٶز قىزمەتٸندەگٸلەر.
ايتا كەتۋ كەرەك, بەيسەنبٸ كٷنٸ تٷسكٸ 15:00 شاماسىندا بەلگٸلٸ سپورتشى دەنيس تەن پىشاق جاراقاتىمەن اۋرۋحاناعا تٷسكەن بولاتىن.
دەرٸگەرلەر كلينيكالىق ٶلٸم حالٸندە كەلٸپ تٷسكەن سپورتشىعا 2,5 ساعات بويى رەانيماتسييالىق شارالار جاساپ, امان الىپ قالا المادى.
دەنيس تەن كٶپ قان جوعالتۋى سەبەبٸنەن كٶز جۇمدى. بٷگٸن مارقۇم سوڭعى جاتتىعۋىندا بولعان.
