Ashyq esik kúni Almaty onkologiialyq ortalyǵynda 13 aqpan kúni saǵat 9.00-den 13.00-ge deiin ótedi, dep habarlaidy "Ult aqparat".
Almaty onkologiialyq ortalyǵynda qaterli isikti erte anyqtaýǵa arnalǵan ashyq esik kúni ótedi. Bul kúni bastapqy tekserýden ótip, ortalyqtyń jetekshi mamandary: mammolog, ginekolog, hirýrg, onkodermatolog jáne ýrologtan konsýltatsiia alýǵa bolady.
Sondai-aq kórsetkishteri boiynsha sút bezine, ish qýysy organdaryna jáne kishi jambasqa ýltradybystyq zertteýler júrgiziletin bolady.
"Tájiribe kórsetkendei, onkologiialyq aýrýlardy erte satysynda anyqtaǵan kezde 95%-ǵa jýyq emdeýdiń joǵary nátijelerine qol jetkizýge bolady. Qaterli isikti erte diagnostikalaý tezirek saýyǵyp ketýdiń kepili", – dep atap ótti Almaty onkologiialyq ortalyǵy bas dárigeriniń orynbasary Áliia Tóresheva.
Ashyq esik kúni Almaty qalasy, Papanin kóshesi 220, A literi, 1 qabat mekenjaiynda ótedi.
Qosymsha aqparatty 8 (727) 312 2474 telefony arqyly bilýge bolady.
