Almaty oblysynyń Tótenshe jaǵdailar salasynyń qyzmetkerleri janyp jatqan úiden er adamdy qutqardy, - dep habarlaidy "Ult aqparat".
9-qarasha, saǵat 23.54-te Almaty oblysy TJD kezekshi bailanys pýltine Taldyqorǵan qalasynda turǵyn úidiń shatyry janǵany týraly habarlama kelip tústi. Shaqyrý ornyna dereý órtke qarsy bólimsheqyzmetkerleri shyqty. Shaqyrtý ornyna kelgen boida eki páterli turǵyn úidiń janǵany anyqtaldy.
Órt sóndirý barysynda TJD qyzmetkerleri páterlerdiń birinen úi iesi, 1957 jyly týǵan er adam qutqardy. Sondai-aq órtti sóndirý barysynda janyp jatqan úiden 2 gaz ballony shyǵaryldy (syiymdylyǵy 27 litr).
Órt saǵat 00:20-da oqshaýlanyp, saǵat 00:24-te sóndirildi. Qyzyl jalyn 150 sharshy metr aýmaqty sharpydy. Órtti sóndirýge Almaty oblysy TJD-nan 10 adam jáne 3 birlik tehnika, qalalyq politsiia basqarmasynan 3 qyzmetker jáne 1 birlik tehnika, 1 jedel meditsinalyq járdem brigadasy jumyldyryldy.
Almaty oblysy TJD ókilderi turǵyn úilerdegi órt oqiǵalarynyń aldyn alý úshin órt qaýipsizdigi erejelerin saqtaýǵa shaqyrady.
