الماتى وبلىسىنىڭ تجد قىزمەتكەرلەرٸ جانىپ جاتقان ٷيدەن ەر ادامدى قۇتقاردى

الماتى وبلىسىنىڭ تٶتەنشە جاعدايلار سالاسىنىڭ قىزمەتكەرلەرٸ جانىپ جاتقان ٷيدەن ەر ادامدى قۇتقاردى, - دەپ حابارلايدى "ۇلت اقپارات".

9-قاراشا, ساعات 23.54-تە الماتى وبلىسى تجد كەزەكشٸ بايلانىس پۋلتٸنە تالدىقورعان قالاسىندا تۇرعىن ٷيدٸڭ شاتىرى جانعانى تۋرالى حابارلاما كەلٸپ تٷستٸ. شاقىرۋ ورنىنا دەرەۋ ٶرتكە قارسى بٶلٸمشەقىزمەتكەرلەرٸ شىقتى. شاقىرتۋ ورنىنا كەلگەن بويدا ەكٸ پەتەرلٸ تۇرعىن ٷيدٸڭ جانعانى انىقتالدى.

ٶرت سٶندٸرۋ بارىسىندا تجد قىزمەتكەرلەرٸ پەتەرلەردٸڭ بٸرٸنەن ٷي يەسٸ, 1957 جىلى تۋعان ەر ادام قۇتقاردى. سونداي-اق ٶرتتٸ سٶندٸرۋ بارىسىندا جانىپ جاتقان ٷيدەن 2 گاز باللونى شىعارىلدى (سىيىمدىلىعى 27 ليتر).

ٶرت ساعات 00:20-دا وقشاۋلانىپ, ساعات 00:24-تە سٶندٸرٸلدٸ. قىزىل جالىن 150 شارشى مەتر اۋماقتى شارپىدى. ٶرتتٸ سٶندٸرۋگە الماتى وبلىسى تجد-نان 10 ادام جەنە 3 بٸرلٸك تەحنيكا, قالالىق پوليتسييا باسقارماسىنان 3 قىزمەتكەر جەنە 1 بٸرلٸك تەحنيكا, 1 جەدەل مەديتسينالىق جەردەم بريگاداسى جۇمىلدىرىلدى.

الماتى وبلىسى تجد ٶكٸلدەرٸ تۇرعىن ٷيلەردەگٸ ٶرت وقيعالارىنىڭ الدىن الۋ ٷشٸن ٶرت قاۋٸپسٸزدٸگٸ ەرەجەلەرٸن ساقتاۋعا شاقىرادى.