Almaty oblysynyń tártip saqshylary kezekti mal urlyǵyna kinálilerdi anyqtady, – dep habarlaidy "Ult aqparat" Polisia.kz portalyna silteme jasap.
Aqsý aýdanynyń kezekshi bólimine Qarashilik aýylynyń 33 jastaǵy turǵyny qorasynan bir bas iri qara malynyń urlanǵany jaiynda aryzdanǵan. Jábirlenýshige keltirilgen materialdyq shyǵyn somasy 150 myń teńge.
"Júrgizilgen jedel-izdestirý is-sharalarynyń nátijesinde tártip saqshylary kúdikti – 58 jastaǵy aýdan turǵynyn anyqtap, ustady. Kúdiktiniń urlanǵan maldy satyp, aqshasyn jeke bas qajettilikterine jumsaǵany belgili boldy. Ózge aqparat tergeý múddesine sáikes jariia etilmeidi. Mal urlyǵynyń aldyn alý maqsatynda aýdan turǵyndaryn qaýipsizdik sharalaryn kúsheitýge, maldaryn qaraýsyz jibermeýge shaqyramyz", – deidi Aqsý APB bastyǵy Daýren Sakenov.
Qazirgi tańda atalǵan derek boiynsha QR sotqa deiingi tergeý amaldary júrgizilýde. Kúdiktige qatysty "kelý týraly mindetteme" túrindegi bultartpaý sharasy tańdaldy.
