Almaty oblysy Balqash aýdanynyń tártip saqshylary aýdan ortalyǵy Baqanas aýylynda turatyn 6 balaly otbasyna sanitarlyq qorǵanys quraldarymen qatar, azyq-túlik pen sol úidegi úsh oqýshyǵa barlyq keńse taýarlaryn aparyp berdi, dep habarlaidy "Ult aqparat".
«Jeke qurammen kelise otyryp, kópbalaly Ormanbaevtar otbasyna qoldaý kórsetý týraly sheshim qabyldandy. Karantin kezinde otbasyna meditsinalyq betperde men qolǵaptar, azyq-túlik, sondai-aq úidegi úsh oqýshyǵa jańa oqý jylyna arnap barlyq keńse quraldaryn tabystadyq. Indettiń jappai taralýyna bailanysty jariialanǵan tótenshe jaǵdai kezinen bastap biz kópbalaly jáne kómekke zárý otbasylarǵa únemi qoldaý kórsetip kelemiz»,- deidi Balqash aýdany politsiia bólimi bastyǵynyń mindetin atqarýshy, politsiia podpolkovnigi Nurgeldi Abirov.
Álemdi sharpyǵan osy pandemiia kezinde qinalǵan janǵa qoldaý bergen tártip saqshylaryna kópbalaly otbasy músheleriniń aitar alǵysy sheksiz.
«Búgin aýdandyq politsiia bóliminiń basshylyǵy úiimizge kelip, azyq-túlik pen mektepke qajetti barlyq qural-jabdyqty tabystady. Osyndai qiyn kezde qolda barymen bólisý, qoldaý – naǵyz ultjandylyqtyń belgisi dep bilemin. Balalarymdy qýanyshqa bólegen politseilerdiń jumysyna tabys, otbasylaryna amandyq pen bereke tileimin»,- deidi Baqanas aýylynyń turǵyny, kópbalaly ana Áigerim Ǵalymqyzy.
«Politseiler sanitarlyq normalardyń oryndalýyn talap etip qana qoimai, turǵyndardy qoldan kelgenshe maskamen qamtamasyz etedi. Jaqynda turǵyndarǵa 1500 maskany tegin tarattyq. Ult saýlyǵyn qamtamasyz etý úshin pandemiia kezinde ár adam áleýmettik jaýapkershilik tanytyp, sanitarlyq talaptardy qatań saqtaýy tiis», - deidi aýdandyq ákimshilik politsiia bóliminiń bastyǵy politsiia podpolkovnigi Balbek Lepesbaev.
