Almaty oblysynyń politseileri bir ai buryn iz-túzsiz joǵalǵan jasóspirimdi tapty, - dep habarlaidy "Ult aqparat".
1 tamyzda Taldyqorǵan qalasy PB Shyǵys bólimshesine oblys ortalyǵynyń 48 jastaǵy turǵyny habyrlasyp, 18 shilde kúni 15 jasar ulynyń úiinen belgisiz baǵytta ketip, qaita oralmaǵanyna aryzdanǵan.
27 tamyz kúni tártip saqshylary izdeý jariialanǵan jasóspirimdi taýyp, anasyna tabystady. Ata-anasynyń tarapynan syn aitylǵan soń, olarǵa óz táýelsizdigin dáleldeý maqsatynda jas jigittiń úiden ketkeni belgili boldy.
Taldyqorǵan qalasy politseileri joǵalǵan balanyń mekenjaiyn anyqtady. Jasóspirimniń anasy ulyn aman-esen taýyp bergen politsiia qyzmetkerlerine shyn júrekten alǵys aitty.
Jasóspirimniń aitýynsha, osy ýaqyt ishinde ol jaldamaly páterlerde jáne dostary men tanystarynyń úiinde turyp, kezdeisoq tabys tabýmen ómir súrgen. Osyǵan orai kámeletke tolmaǵan bala qańǵybastyqqa beiim adam retinde esepke alyndy. Al anasyna eskertý jasaldy.
